O Alumnado do I.E.S. Sofía Casanova
desexa unhas BOAS FESTAS
E UN BO ESCOLAR ANINOVO-2012
domingo, 25 de diciembre de 2011
sábado, 24 de diciembre de 2011
lunes, 19 de diciembre de 2011
jueves, 15 de diciembre de 2011
Demanda substitución profesor/a tecnoloxía.-
Asto.; Baixa profesora Tecnoloxía.
A Xunta directiva da ANPA de Alumnos/as do IES SOFIA CASANOVA, denuncia que este I.E.S. SOFÍA CASANOVA leva varios días sen a profesora de Tecnoloxía que desenvolve en varios cursos de ensino de secundaria motivada á súa BAIXA por enfermidade.
Esta xunta directiva demanda da Consellaría de Educación da Xunta de Galicia que se cubra esta BAIXA por un/unha profesor/a de Tecnoloxía para os cursos de secundaria nestas importantes datas de exames e avaliación.
Esperando a demandada solución, reciba nosos cumprimentos.
Ferrol, a 16 de Decembro de 2011.
martes, 13 de diciembre de 2011
Impugnación eleccións de nais e pais centros públicos.-
- IMPUGNACIÓN –-ELECCIÓNS NAIS- PAIS - CONSELLO ESCOLAR MUNICIPAL-
A Xunta directiva do IES SOFÍA CASANOVA, reunida este pasado Mércores, día 7 de Novembro, nas instalacións deste centro educativo, INFORMA ;
-Que este pasado Venres, día 2 de decembro, celebrouse unha Asemblea da Federación de ANPAS de Centros Públicos de Ferrolterra co obxecto de elixir os membros representantes de centros públicos para a constitución do Consello Escolar Municipal da Cidade de Ferrol.
Cando precedíamos a comezar a votación, informa o presidente que esta convocatoria, segundo documentación da que dispón, vai dirixida a elección de nais e pais dos centros públicos. Esta circunstancia sorprende a maioría dos presentes, representantes de ANPAS, posto que en todo momento entendíamos que íanse elixir representantes das ANPAS.
Dadas as explicacións do presidente da Federación, varios/as representantes das ANPAS chaman a atención sobre a necesidade de que non podíamos continuar xa que deberíase realizar unha nova convocatoria pública dirixida a todos/as os/as pais e nais dos centros públicos. Facendo caso omiso o presidente decide continuar coa votación saíndo elixida a maior parte da súa Xunta directiva...
Por todo isto;
A xunta directiva desta Asociación de ANPA de alumnos/as “Sofía Casanova” expresamos o noso rexeitamento con este proceso electoral e acordamos por unanimidade pedir a IMPUGNACIÓN e NULIDADE da VOTACIÓN da mencionada Asemblea deste día 2.
Pedimos a inmediata intervención do presidente/a deste Consello Escolar Municipal de Ferrol e da propia Consellaría de Educación co obxecto de pedir unha nova convocatoria de elección de nais e pais de centros públicos dunha forma transparente, clara e pública.
Ferrol, a 7 de Decembro de 2011
A PRESIDENTA O SECRETARIO
Asdo. Mª Carmen DIAZ CORRAL asdo. Xosé M. SANXOÁN CAAMAÑO
- PRESIDENTE CONSELLO ESCOLAR MUNICIPAL DE FERROL .-
lunes, 5 de diciembre de 2011
ANPA - Reparación das xanelas.-
A ANPA do instituto Sofía Casanova reclama a inmediata reposición das fiestras . Martes 06 de Decembro de 2011 . A xunta directiva da ANPA do instituto Sofía Casanova de Ferrol demanda da Consellería de Educación a "inmediata intervención para reparar as fiestras do centro", segundo apuntaron nun comunicado. Desde a asociación de pais recordaron que nos últimos anos producíronse algúns desprendementos non só destes elementos, senón da estrutura, polo que reclaman celeridade por parte da Administración educativa galega para levar a cabo a actuación. Desde a propia dirección do instituto recordouse que esta é unha actuación xa comprometida polo departamento que dirixe o popular Jesús Vázquez, e coa que se completará a reposición total das fiestras, desenvolvida durante os dous últimos cursos.Tamén está previsto que para inicios do próximo ano realícense, tal e como se comprometeu a Consellería, os traballos de acondicionamento do salón de actos do instituto, cuxos problemas no teito interior obrigaron á dirección do centro a clausurar, por seguridade, calquera tipo de actividade neste espazo. O instituto foi inaugurado no ano 1967.
jueves, 24 de noviembre de 2011
MOSTRA DE COGOMELOS.-
TRABALLO DE EXPOSICIÓN COGOMELOS
POR PARTE DE PROFESORES
CON MOITO SABER E ARTE
Nosos PARABÉNS ao Xefe de Estudos - D.Joaquín-
Saúdos
- A ANPA.-
viernes, 11 de noviembre de 2011
Candidatura Consello Escolar Municipal de Ferrol.
Os alumnos elixirán a vindeira semana aos seus
representantes no Consello Escolar Municipal
O Consello Escolar Municipal do Concello de Ferrol dará a vindeira semana un novo paso de cara a súa constitución coa celebración dunha reunión no Concello pola que os representantes dos alumnos dos diferentes institutos da cidade elixirián aos catro membros que formarán parte deste órgano de consulta. Desde o propio goberno local informouse onte que a maioría dos centros de Educación Secundaria xa responderon coas súas propostas ás cartas remitidas desde a área de Educación para decidir o nome dos seus representantes.
Así mesmo, o executivo ferrolán levará ao pleno de fin de mes, para a súa aprobación, a composición das dez persoas designadas polo Concello para formar parte do Consello Escolar, e da que xa se informou na comisión do pasado 28 de outubro.
Así, ademais de catro concelleiros (un por partido político –Susana Martínez Galdós (PP), María López (PSOE), Javier Galán (EU) e Mercedes Tobío (BNG)– xa que Juan Fernández, de IF, renunciou), haberá un representante das Asociacións de Veciños, dous directores de colexios públicos (un de Primaria e outro de Secundaria), un director de colexios concertados, un representante do Centro de Formación e Recursos (CFR) e un representante das asociacións de renovación pedagóxica.
Completarán o devandito órgano de consulta o presidente –que pode ser o alcalde ou a concelleira de Educación–, dez profesores, seis membros das Anpas e catro alumnos, o que suma un total de 31 persoas.
Sofía Casanova .-
Por outra banda, a ANPA do IES Sofía Casanova de Ferrol rexistrou un escrito dirixido ao alcalde para presentar a candidatura da presidenta desta asociación, María Carmen Díaz Corral para formar parte do Consello Escolar Municipal. “Pedimos a súa admisión por razóns que se deben a un instituto de nivel B debido ao volume do seu alumnado, que na actualidade supera os 600 alumnos”, manifestaron desde a ANPA.
Así mesmo, a entidade amosou o seu apoio á reivindicación deste instituto na necesidade de destinar un especialista en Pedagoxía Terapéutica para atender as necesidades existentes no instituto, e sinalan tamén como un tema a tratar no Consello Escolar Municipal a recuperación de cinco inspectores que antes había nesta zona, e que tralos recortes quedou reducido na actualidade a tres.
Desde esta ANPA tamén solicitan aos membros do devandito órgano consultivo “a súa implicación e compromiso de asistencia para non repetir o escandaloso desinterese amosado por algúns membros de distintas entidades e sindicatos”, criticaron.
Diario de Ferrol.-
miércoles, 9 de noviembre de 2011
Xuntanza DIRECCIÓN e ANPA do I.E.S Sofía Casanova.-
A directiva da ANPA do IES Sofía Casanova avalía as necesidades coa dirección
redacción > ferrol
A nova directiva da ANPA do IES Sofía Casanova, constituida hai apenas un mes e logo de varios anos sen contar con esta representación no centro, reuniuse onte coa dirección do instituto, encabezada por Juan Rodríguez Silvar, para intercambiar informacións e avaliar as necesidades educativas do alumnado.
A relación do plantel de profesorado ou as necesidades de apoio especiais das que hai que dispor para ofrecer un ensino de calidade foron algunhas das cuestións que se puxeron sobre a mesa. A ANPA interesouse así mesmo polo estado das infraestruturas, solicitando os informes necesarios para analizar a situación actual das mesmas. Neste sentido, anunciaron tamén o compromiso da Asociación de Nais e Pais de Alumnos de ofertar varias actividades culturais e deportivas como complemento da educación do alumnado para o cal agardan a colaboración de toda a comunidade educativa.
Por outra banda, a ANPA amosouse en certo modo sorprendida polo “repentino interese” da Xunta de Galicia polas cafeterías escolares, “polo que sospeitamos que fará as concesións de forma discrecional”, explicaron. A posibilidade de pedir o compromiso da Administración autonómica para a instalación de taquillas no instituto, que este ano viu incrementado o seu número de alumnos polos cambios executados pola Consellería de Educación na área da Formación Profesional, é outra das propostas dunha ANPA moi preocupada tamén pola sinalización no entorno no que está ubicado este e outros centros, como o CIFP Ferrolterra ou o CEIP Recimil. “Falta sinalización escolar, e fai falta unha máis clara e eficaz para unha maior protección dos nenos”, denunciaron, polo que van pedir a intervención do Concello ferrolán para conseguir este obxectivo.
A xunta directiva da recén creada ANPA está constituida por María Carmen Díaz Corral (presidenta); José Manuel Esteban Acebo (vicepresidente); Xosé Manuel Sanxoán (secretario); Montserrat Moreda (tesoureira); África García e Mónica García (vogais).
Diario de Ferrol
martes, 8 de noviembre de 2011
CONCURSO DESEÑO LOGO
CONCURSO LOGO
Estimados/as alumnos/as:
A ANPA do IES Sofía Casanova quere estrear a súa actividade solicitando a vosa colaboración para atopar un logotipo que o represente.
Gustaríanos aproveitar a ocasión para achegarvos o noso desexo de acoller de aquí en adiante as propostas que teñades para a ANPA e que fagan que o IES Sofía Casanova sexa un centro do que todos podamos sentirnos orgullosos.
Obxectivo:
Deseño dun logotipo para a ANPA do IES Sofía Casanova que pódase usar en calquera tipo de soporte, xa sexan misivas, cartas, blog, carteis, selos,…
Consellos:
O único texto que pódese incluír no deseño do logotipo é “ANPA IES Sofía Casanova” ou “ANPA”. Aconséllase sinxeleza, que sexa lexible en tamaño pequeno e un colorido (no caso de telo) que permita a impresión en branco e negro.
Premio:
Un vale de 50 Euros para trocar por aparellos ou prendas deportivas.
Bases do concurso:
-Pode participar calquera alumno/a do centro.
-O deseño do logotipo presentarase en formato DIN-4.
-O nome, apelidos e curso do participante ten que indicarse no reverso do deseño.
-Os participantes deixarán as súas propostas no buzón da ANPA.
-O último día de recollida de propostas será o venres 18 de novembro.
Recibide os nosos mellores saúdos ...e sorte.
- A directiva.-
sábado, 22 de octubre de 2011
Concentracion contra os "recortes" da Xunta
A Comunidade educativa mobilízase
contra os recortes no ensino público.
redacción > ferrol
O calendario de mobilizacións deseñado polas organizacións sindicais en defensa do ensino público galego e en contra dos recortes executados en esta materia polo actual goberno da Xunta de Galicia continuou onte nas principais cidades e vilas da comunidade coa celebración de diferentes concentracións. En Ferrol, a convocatoria, moi concurrida, tivo lugar ás oito da tarde diante do Edificio Administrativo da Xunta, na praza de España.
Alí, profesores, pais e alumnos deixaron sentir o seu malestar polas actuais políticas educativas do goberno autonómico do Partido Popular, con actuacións como o aumento da carga lectiva do profesorado, coa conseguinte redución do número de docentes con respecto ao pasado curso ou os agrupamentos das aulas.
O calendario de mobilizacións deseñado polas organizacións sindicais en defensa do ensino público galego e en contra dos recortes executados en esta materia polo actual goberno da Xunta de Galicia continuou onte nas principais cidades e vilas da comunidade coa celebración de diferentes concentracións. En Ferrol, a convocatoria, moi concurrida, tivo lugar ás oito da tarde diante do Edificio Administrativo da Xunta, na praza de España.
Alí, profesores, pais e alumnos deixaron sentir o seu malestar polas actuais políticas educativas do goberno autonómico do Partido Popular, con actuacións como o aumento da carga lectiva do profesorado, coa conseguinte redución do número de docentes con respecto ao pasado curso ou os agrupamentos das aulas.
A concentración foi convocada na cidade polos sindicatos CIG-Ensino, CCOO, UGT e STEG, e secundada tamén pola Federación de Anpas de centros públicos de Ferrolterra así como por outros colectivos sociais como Fuco Buxán. De feito, desde os diferentes ámbitos salientaron a importancia da implicación de toda a cidadanía á hora de demandar “un ensino público de calidade”. A secretaria comarcal da CIG-Ensino, Antonia Martínez, aseguraba a este xornal que “a situación é moi grave, a máis grave nos últimos 20 ou 30 anos”.
En relación ás políticas da Xunta, afirmou que constitúen “un ataque directo a todos os servizos públicos, nun claro intento de privatización”, sinalando que os máis afectados por estes recortes son, sen dúbida os alumnos.
Tamén desde a área de Ensino de Comisións Obreiras na cidade destacouse a necesidade de defender o ensino público, criticando, entre outras cuestións, o aumento do número de profesorado obrigado a impartir materias das que non son especialistas. “Búscase tamén o diálogo coa Consellería de Educación, xa que o conselleiro está a tomar as decisións de xeito unilateral”, afirmou Emilia Veiga, do devandito sindicato.
Pola súa banda, o presidente da Federación de Anpas de colexios públicos de Ferrolterra, Javier Sánchez, lamentou que cos recortes do goberno autonómico afecten, entre outros moitos aspectos, á reducción na atención ao alumnado con necesidades educativas especiais así como á diminución dos reforzos e apoios educativos ou á imposibilidade de atender tarefas tales como a dinamización nas TICs ou a atención ás bibliotecas escolares.
Sánchez destacou o papel que nestas reivindicacións teñen que xogar as familias, “pois se queremos un ensino de calidade, temos que esixir as ferramentas adecuadas para conseguilo, pois do contrario, os que máis prexudicados saen son os nenos, que son o futuro da sociedade”, dixo.
Manifesto -
No decurso da concentración de onte, leuse un manifesto, consensuado por todos os sindicatos convocantes, no que se reclamou un cambio da política educativa e da actitude da Consellería, anunciando que “non imos parar de mobilizarnos até conseguir parar esta agresión sen precedentes”.
A imposición do incremento do horario lectivo que se traduciu, entre outras cousas, en que moitos profesores teñan que impartir materias que non son da súa especialidade ou que en toda a comunidade se reduciran máis de mil profesores foron tamén obxecto de crítica.
A imposición do incremento do horario lectivo que se traduciu, entre outras cousas, en que moitos profesores teñan que impartir materias que non son da súa especialidade ou que en toda a comunidade se reduciran máis de mil profesores foron tamén obxecto de crítica.
O calendario de mobilización rematará o vindeiro día 25 cun referendo “para facer visible a opinión do profesorado contra dos recortes, da ampliación do horario lectivo e da imposición de funcións que non lle son propias.
Tamén o vindeiro sábado día 22 terá lugar unha grande manifestación en Madrid. CCOO poñerá autobuses desde A Coruña. Os interesados poderán apuntarse nas unidades comarcais.
viernes, 21 de octubre de 2011
Saúdo e benvida.-
Estimados/as pais e nais.-
A xunta directiva da ANPA do IES SOFIA CASANOVA, comunica que este pasado día 11 de outubro celebrouse unha ASEMBLEA de pais e nais no salón de actos deste centro educativo co obxecto de constituír e nomear unha nova directiva.
Despois de varios anos sen representación de ANPA, un grupo de nais e pais estamos determinados a retomar esta Asociación de Nais e Pais co obxectivo de reivindicar a calidade educativa deste Centro público.
Así pois, quedou constituída a ANPA da Asociación de Nais e Pais de Alumnos do I.E.S. “Sofía Casanova” na forma que recolle os seus Estatutos polo que queremos expresar aos pais e nais a nosa dispoñibilidade para traballar por unha educación pública de calidade e os fins marcados nos estatutos en beneficio do alumnado e a comunidade educativa. Queremos dar as grazas ao profesorado e dirección do centro pola súa colaboración e facilitarmos os medios necesarios para lograr impulsar esta ANPA, así como agradecer a todas as nais e pais que forman parte desta Asociación de ANPA por súa participación.
Esta Xunta Directiva te ANIMA a formar parte desta Asociación de ANPA do I.E.S.Sofía Casanova coa intención de defender e reivindicar unha maior calidade educativa para os nosos fillos e fillas.
Recibide os nosos saúdos e mellores cumprimentos .
Ferrol, a 19 de Outubro de 2011
* Enviamos a ficha para cumprimentar. Devolver nun sobre pechado e depositar no buzón da ANPA da entrada do Centro por medio de vosos/as fillos/as.
* A Asemblea acordou unha COTA ANUAL de 10 € .
- - A Directiva da ANPA - I.E.S. Sofía Casanova.-
Xunta xestora.-
Ferrol, a 3 de Outubro de 2011
Estimadas /os nais- pais .-
Nos presentamos como nais e pais que decidimos constituírmos nunha xestora este pasado día 28 de setembro no salón de actos deste centro escolar, despois dunha reunión convocada pola dirección deste centro, polo que agradecemos esta colaboración da dirección en aportar recursos e medios.
Estamos seguros que todas as familias coincidimos na convición de fortalecer nosos lazos de unión e solidariedade arredor de nosos fillos e fillas co obxecto de facilitarlles unha maior calidade do ensino, así como outras actividades sociais que, de seguro, serán de grande interese para todos/as.
Para conseguir unha maior harmonía educativa necesitamos a implicación e esforzo de todas as familias. Este primeiro esforzo consiste na necesidade de organizarnos como ANPA ”facéndonos SOCIOS/AS”.
Somos conscientes de que os últimos acontecementos superaron con creces a necesidade de ter unha “ANPA operativa” para defender os nosos intereses.
Na actualidade a verdadeira situación podemos definila como un ANPA que non ten socios/as por certo abandono e inacción, aínda que dispoñemos dos seus Estatutos vixentes e actualizados, conta bancaria con unha contía económica que informaremos na asemblea, libros diversos de actas, contas..etc.
Por todo isto, consideramos necesario CONVOCARVOS a unha xuntanza de todos/as os pais e nais que desexen participar nesta nova reorganización da ANPA da Asociación de Nais e Pais de Alumnos do I.E.S. “Sofía Casanova”.
Utilizando agora os formalismos destes Estatutos.
- Esta xunta xestora quere CONVOCARVOS para o día 11 de Outubro -ás 18,30 horas- no salón de Actos do IES Sofia Casanova, baixo o compromiso de facerme socio/a para poder elixir unha Xunta Directiva.
Orde do día
Punto único - Elección da Xunta Directiva.-
* Aprobación contía das COTAS de socios/as para este curso 2011-12.
- A xunta xestora.-
Suscribirse a:
Entradas (Atom)