lunes, 2 de marzo de 2015

FOLGA DE ESTUDANTES.-

A folga de estudantes logra un elevado

seguimento en Ferrol, segundo os

convocantes.-

REDACCIÓN FERROL |

Actualizado 27 Febrero 2015 -

Un momento de la protesta, que comenzó en la plaza de España y fue hasta la de Armas / Jorge Meis

Un momento da protesta, que comezou na praza de España e foi ata a de Armas / Jorge Meis

Máis de douscentos novos secundaron onte en Ferrol a manifestación convocada polo Sindicato de Estudantes en contra da política educativa do Goberno. O portavoz da organización, Guillermo Díaz, asegurou que a maioría das aulas quedáronse baleiras nos institutos da zona e que o paro tivo un amplo seguimiento. "Protestamos porque o Ministerio de Educación está aplicando uns recortes que golpean directamente ás familias con menos recursos" dixo o representante do Sindicato de Estudantes- "queren impedir que os seus fillos consigan títulos e facer deles man de obra barata".

Xa están convocadas outras dúas xornadas de folga no próximo mes de marzo

Guillermo Díaz considerou que a política educativa actual persegue ademais poñer a formación en mans privadas, para que titularse sexa unha cuestión de pagar e estea só ao alcance duns poucos. Os estudantes consideran que o novo modelo de estudos de 3 .2 (tres anos de grado e dous de máster) representará na práctica "unha barreira económica insalvable para a mayoría". No manifesto que onte se leu ao remate da manifestación, que discorreu desde o edificio da Xunta ata a praza de Armas, négase o argumento que esgrime o Goberno no sentido de que esta reforma vai supoñer un aforro para as familias. "Suporá que un título universitario que che permita acceder ao mercado laboral en condicións dignas custará entre 15.000€ e 20.000 euros", sinala o Sindicato de Estudantes.

Os convocantes teñen previsto continuar pola senda da mobilización. Para os días 16 e 17 do próximo mes de marzo están previstas outras dúas xornadas de folga. "Chamamos aos sindicatos do profesorado, a pais e a todas as organizacións e colectivos da esquerda a que salgamos todos xuntos nunha folga xeral de toda a comunidade educativa contra o 3. 2, pola derrogación de todas as contrarreformas educativas do PP e pola anulación de todos os recortes que desde que están no poder asestaron á educación pública@, terminaba o seu manifesto.

- Diario de Ferrol.-

Aniversario Rosalía - 1837 - 1885

ANIVERSARIO NACIMENTO

- ROSALÍA DE CASTRO -

Manifestación en Compostela - a prol do idioma galego

Dereito a Folga - 3º ESO .-

Prensa .-

Os alumnos a partir de 3º. da ESO poderán facer folga sen autorización.

O Supremo considera que non cabe someter a autorización previa dos pais o dereito dos estudantes.

Escrito por:

valencia / efe

13 de xaneiro de 2015

O Tribunal Supremo (TS) resolveu que non cabe someter a autorización previa dos pais o dereito dos alumnos a partir de terceiro de educación secundaria obrigatoria (ESO) a decidir colectivamente a inasistencia a clase en sinal de protesta.

Nunha sentenza, a sala Terceira do TS confirma a nulidade dun decreto educativo da Generalitat valenciana que impuña esa autorización previa ao dereito recoñecido na Lei Orgánica do Dereito á Educación (LODE), no caso de alumnos menores de idade. Para o tribunal, resulta «incuestionable» que ese artigo recoñece un dereito aos alumnos (decisións colectivas de inasistencia a clase en sinal de protesta) e que o exercicio dese dereito, tal como está legalmente configurado, «non queda supeditado a ningunha autorización previa».

Rexeita así o recurso da Generalitat contra a sentenza do Tribunal Superior de Xustiza (TSJ) valenciano, que estimou un recurso da Confederación de Asociacións de Pais e Nais de Alumnos da Comunitat Valenciana Gonzalo Anaya contra o decreto, de abril do 2008, do Consell.

Na súa resolución, o Supremo defende que, calquera que sexa a valoración que a cada un lle mereza que non sexa exixible a autorización dos pais no suposto examinado, «é incuestionable que esa foi a opción do lexislador, e a ela ha de estarse».

Segundo estima, o motivo único do recurso de casación contra o fallo do TSJ, «aínda estando exposto de xeito intelixente e articulado, non pode ser acollido», dado que «o seu argumento central non é convincente».

Segundo o tribunal, someter o exercicio dun dereito (o recolleito na LODE) a previa autorización doutra persoa equivale a esixir a concorrencia de dúas vontades, co que o exercicio do dereito xa non depende unicamente da vontade do seu titular, senón tamén da vontade da persoa chamada a dar a autorización. «Isto non é o previsto no artigo 8 da LODE, con arranxo ao cal o dereito pode ser exercido pola soa vontade dos alumnos», asevera.

- La Voz de Galicia.-

Parabéns premio "ferrolán do ano-2014"

A Federación de ANPAS de centros públicos de Ferrolterra quere felicitar oficialmente á comunidade educativa do voso centro polo recoñecemento "Ferrolán do Ano-2014", concedido pola traxectoria de tantos anos na formación do seu alumnado.

Coñecedores como somos do traballo que se leva facendo e se está facer tamén na actualidade na mesma liña, non queremos deixar de pasar esta oportunidade para solicitarvos transmitades a todo o persoal do centro e e as nais en pais que optan por enviar ás súas fillas e fillos ás vosas aulas a nosa máis sincera felicitación.

Dende esta Federación de ANPAS de centros públicos de Ferrolterra compartimos con vós a defensa dun ensino "público" de calidade e queremos seguir contando con vos na mellora da nosa sociedade, independentemente de recoñecementos oficias que, sen dúbida ningunha, serían extendibles a outras comunidades educativas da nosa cidade e bisbarra.

Asistiremos ao acto do 7 de xaneiro para amosar a gratitude e o recoñecemento de todas as familias de Ferrolterra polo voso compromiso.

Recibide un cordial saúdo de todas as familias ás que representamos,

Xunta directiva

Fed. ANPAS Ferrolterra