viernes, 21 de junio de 2019

PROXECTO VENUS

Este curso o noso instituto en colaboración con o IES FERROLTERRA desenvolveu o proxecto Sistema Solar Ferrolterra  que trataba de mostrar intuitivamente as distancias entre os planetas do noso sistema solar situando cada instituto da zona na órbita dun planeta. O noso instituto é Venus por esto fixeronse unha variedade de actividades desde diversos departamentos e a biblioteca, coordinados por Rocío Piñón a profesora de Física e Química.
Deixamos algunhas fotos para que vexades parte do traballo.


martes, 4 de junio de 2019

TEATRO NO SOFIA CASANOVA

O martes 28 e o xoves 30 de maio tuvo lugar no salón de actos do IES Sofia Casanova, a representación teatral conmemorativa do días Das Letras Galegas o titulo de este ano era HISTORIAS DA PRAZA DE MARIA RISA, e como xa indica o seu titulo risas tivemos unhas poucas .
A obra foi levada a cabo por alumnos de este instituto, grandes actores en ciernes, e dirixida como todolos anos polo profesor de matemáticas Jose Luis Rivera. A ver esta representación acudiron ademáis de todolos  alumnos do instituto, as familias e este ano tamen foron convidados os institutos de Ferrol Vello e o de Catabois  


jueves, 7 de febrero de 2019

BIBLIOTECA PARA AS FAMILIAS NO INSTITUTO

Ola a todas as familias!
Este curso acábase de estrear no instituto un recuncho para todas as familias que chamamos "Biblioteca de Familias".
Está situdado ó carón do despacho da Orientadora conta cunha serie de libros sobre a educación dos rapaces (estudo, saúde, motivación, redes sociais, alimentación, adiccións...) Que se irá ampliando coas vosas suxestións. Para o cal pedimos colaboración e que nos deixedes na bandexa que habilitamos na estantería os vosos desexos de lecturas ou de información que precisedes.

A biblioteca do centro é de todos: alumnos, profes, personal non docente e tamén das familias. Pero como algúns sodes un pouco tímidos, e non vos atrevedes a entrar, será a biblioteca a que saia.
Entendemos que moitos pais e nais pasan algún tempo sentados neste recanto, pensamos que era un bo lugar para aproveitar estes tempos mortos na súa formación.

Normas de uso
1. Como as bibliotecarias soamente estamos na biblioteca nos recreos e en poucas horas máis, non podemos atender o préstamo.
2. Seredes vós quen autoxestionaredes o propio préstamo.
3. Podedes coller tres libros por familia.
4. Debedes apuntarvos na folla que atoparedes na estantería, cubrindo ben todos os vosos datos.
5. O préstamo dura 15 días, renovables outros 15 días.
6. Confiamos no voso bo uso.
7. Os materiais son de todos e non son precisamente baratos.

GRAZAS POLA VOSA COLABORACIÓN.



sábado, 22 de diciembre de 2018

GINKANA DE NADAL 2018-19

O pasado 21 de decembro celebrouse no centro a Ginkana, que ven sendo tradicional, coa que nos despedimos cara o nadal. Esta festa consiste na celebración dunha serie de probas deseñadas por todos os departamentos didácticos do instituto, coordinados polo departamento de Actividades Extraescolares con o que colabora o ANPA. Nas probas participan o alumnado da ESO por equipos, colaborando os de 1º de Bacharelato na realización das distintas probas. Deixamos aquí fotos.  




jueves, 13 de diciembre de 2018

RECOLLIDA SOLIDARIA DE ALIMENTOS

Dende este Anpa, como todos los anos no mes de decembro, iniciamos unha recollida solidaria de alimentos no Instituto dirixida as persoas maís desfavorecidas, polo que pedimos a colaboración das familias achegando productos como leite, aceite, fariña , legumes, pasta, produtos de almorzo, e alimentos infantís. E así todos XUNTOS achegar un anaco de Nadal a estas familias.
Para iso colocamos un carro na entrada do instituto, onde podedes depositar o voso quilo de solidaridade dende  día 10 ata o próximo día 20.

CONTAMOS CONTIGO E UN QUILO DE SOLIDARIDADE.

E MOITAS GRAZAS POLA VOSA COLABORACIÓN

lunes, 15 de mayo de 2017

Información sobre Xornadas ANPAS GALEGAS ao redor da innovación educativa


Asunto: Información sobre Xornadas ANPAS GALEGAS ao redor da innovación educativa



Bo día a tod@s

Como xa todas/os sabemos, un dos obxectivos da Confederación ANPAS GALEGAS (Confederación na que a nosa Federación está integrada) é a implantación dun modelo educativo que verdadeiramente estea pensado para que as nosas fillas e fillos dispoñan da mellor formación posible, un modelo educativo que verdadeiramente atenda á diversidade do alumnado e considere esa diversidade como unha riqueza e non como un problema económico. Un modelo educativo que persiga unha verdadeira rendibilidade social e non se vexa condicionado pola tan manida rendibilidade económica, en definitiva un modelo educativo cuxo obxectivo principal sexa formar persoas para unha sociedade mellor e non man de obra (mais ou menos cualificada) para un determinado sistema económico.

Na Confederación ANPAS GALEGAS opinamos que o primeiro paso para acadar ese lexítimo obxectivo, é necesario concienciar ás familias de que ese modelo educativo é tan real como posible, que ese modelo educativo é un DEREITO das nosas filas e fillos e non unha "limosna" que "graciosamente" nos concede que goberna.

É por iso que a Confederación ANPAS GALGAS adica un importante esforzo á organización de xornadas dirixidas ao conxunto da comunidade educativa e, sobre todo ás familias, onde a través de distintas experiencias e relatorios de profesionais cualificadas/os, se evidencia a posibilidade real de ese modelo educativo alternativo.
Nesa liña o vindeiro sábado día 20 de maio, celébrase en Nigrán (Pontevedra) unha xornada que demos en chamar "ACTUALIZÁNDONOS, xornadas de ANPAS GALEGAS ao redor da innovación educativa na escola pública".

Todas aquelas/es que teñades interese en asistir a estas interesantísimas xornadas estades convidadas/os, a Federación de ANPAS do Valminhor (encargada desta volta de facer o traballo mais duro, ou sexa a organización) creou unha páxina web onde ven perfectamente detallado todo o necesario para a participación e os servizos que se ofertan (espazo de crianzas, xantar e incluso lugares onde aloxarse se alguén pensa en pasar un par de días agradables nesa incrible comarca galega). O enlace é:

O sitio web das xornadas é: http://xornadasanpasgalegasvalminhor.org/

Como podedes comprobar ó único que temos que pagar é o xantar (custo da materia prima) e o aloxamento daquelas/es que queiran quedarse, xa que as xornadas rematarán sobre as 20:00 horas do sábado é non e preciso quedarse.
Xunto a este correo o cartaz das xornadas, o programa pódese consultar a través do enlace anterior. Espero que este correo teña a máxima difusión entre socias/os e o resto da comunidade educativa e gostaría moito dunha importante presenza de Ferrolterra nestas interesantes xornadas.

Unha aperta

Javier Sánchez, Presidente da FEANPAS


Federación Comarcal de ANPAS de Centro Públicos de Ferrolterra.

     



X ENCONTRO EN SEDES- MEDIO RURAL GALEGO - EDUCACIÓN- Vindeiro fin de semana.-

 

X ENCONTRO EN SEDES- MEDIO RURAL GALEGO - EDUCACIÓN-




     
  PRESENTACIÓN E METODOLOXÍA DO ENCONTRO  
  
   Os ENCONTROS DE DEBATE SOBRE O MEDIO RURAL GALEGO son unha iniciativa singular de Nova Escola Galega que comeza en 2006, ano a partir do cal se teñen desenvolvido nove edicións, que retoman a xeira doutros catro Encontros realizados nos últimos anos oitenta.
 Estes foros interdisciplinares pretenden achegarlle ao profesorado, á comunidade educativa e á sociedade no seu conxunto reflexións sobre a historia, a actualidade e o futuro do medio rural galego, con especial atención ao papel que neste medio desenvolven a cultura e a educación, ben desde a propia institución escolar ou ben desde outras iniciativas de carácter socioeducativo e/ou comunitario promovidas por entidades diversas e asociacións do eido cultural. Desde os seus principios esta actividade procurou servir de espazo de encontro e confluencia de diferentes profesionais e colectivos galegos (sobre todo locais) e de fóra de Galiza, para dar a coñecer e impulsar accións a prol dun futuro sustentable para o medio rural, horizonte no que o papel da cultura e da educación adquire unha importancia estratéxica, tal e como afirman distintos organismos internacionais.  

    A escola rural, se está inserida no seu medio e é permeable á cultura comunitaria, pode ser entendida como un laboratorio pedagóxico capaz de promover experiencias de alto valor profesional para as e os docentes e moi valiosas para as comunidades onde se asenta.
 No pasado, a escola rural foi entre nós na maior parte dos casos un instrumento de destrución cultural e social e só en escasas ocasións puido ser valorada como referente cultural –ás veces, o único– de primeira magnitude. Cando isto aconteceu púidose falar de escolas comunitarias, xermolo posible do que hoxe se considera un dos patróns pedagóxicos máis ricos: as denominadas "comunidades de aprendizaxe".
 Estas experiencias contan coa potencia pedagóxica da propia veciñanza e contribúen á consecución de aprendizaxes significativas e de vivencias que axudan ao desenvolvemento integral das persoas en formación; son experiencias que desenvolven, da man da cultura e nos nosos particulares territorios de convivencia, verdadeiros espazos para a formación permanente ao longo da vida.
  
  Nesta liña de traballo atópase a comunidade  veciñal de Sedes, que tenta funcionar coma unha comunidade educativa considerando a toda a veciñanza  como suxeito e destinatario da acción socioeducativa.
 A elección de Aldea Nova como sede deste X Encontro, que nesta ocasión levará por título

NA PROCURA DUN PLAN DE EDUCACIÓN ESPECÍFICO PARA O RURAL

pretende  poñer en valor o proxecto de desenvolvemento rural no que se inspirou e, ao tempo, ofrecerlle o apoio da comunidade de educadores e educadoras rurais e persoas e colectivos defensores do rural de toda Galiza.   Tamén queremos reflexionar acerca da necesidade de proxectos de escolarización específicos para o rural, a partir dun modelo de escola integrada no medio, na comunidade local e na cultura rural: como é sabido todo proceso de desenvolvemento sociocultural e educativo necesariamente debe poñer o acento na dimensión comunitaria, e moi especialmente cando se contextualiza no medio rural. O concello de Narón pon en funcionamento nos anos 2007-2008 o parque temático do mundo rural "Aldea Nova",  un proxecto de desenvolvemento rural non produtivo, coa finalidade de que servira de impulso para formar, promover e dinamizar as zonas rurais achegadas ás zonas urbáns, cun obxectivo educacional e socioeconómico.  

   Neste senso vai tamén a proposta de retomar a pedagoxía Freinet, polo seu potencial como modelo educativo ben diferenciado e pola súa validez no actual contexto educativo en ámbitos rurais.   
   A actividade do Encontro realizarase en horario intensivo o venres 31  de marzo (pola tarde), o sábado 1 (todo o día) e o domingo 2 (só de mañá) de abril de 2017, e ao longo de todas esas horas de convivencia desenvolveranse diferentes propostas formativas (relatorios, mesas abertas, experiencias e boas prácticas educativo-rurais etc.) co seu correspondente espazo de debate e reflexión pedagóxica, pero tamén haberá tempo para analizar a importancia das relacións sociais nun contexto de despoboamento, poñer de manifesto as potencialidades económicas do rural a partir da experiencia de proxectos reais en funcionamento, debater sobre a necesidade de que o profesorado que traballa no medio rural conte cunha formación inicial e continua especializadas nese eido, así como gozar da cultura rural galega a través dalgunhas das súas variadas manifestacións: música da terra e baile, recital de poesía musicada, teatro comunitario, itinerarios e obradoiros didácticos e unha exposición de fotografías antigas e diversos obxectos etnográficos locais. 

   O grupo de educación no rural de NEG convoca pois a profesionais e estudantes dos eidos da educación ou o desenvolvemento rural, familias, ANPAS e calquera persoa preocupada polo futuro do medio rural, a participar nestas xornadas de análise, reflexión e convivencia.    
        

  OBXECTIVOS DO ENCONTRO     
 
 Constituírse como punto de encontro de todas aquelas persoas interesadas polo presente e polo futuro do medio rural galego e da súa educación. 
 Ofrecer alternativas de creación cultural, desenvolvemento comunitario, didáctica escolar e planificación educativa, centradas no medio rural. 
 Presentar o proxecto de desenvolvemento rural de Aldea Nova como referente sociocomunitario e socioeducativo dentro das zonas galegas próximas á unha cidade. 
 Configurar un grupo de acción, que coordine e integre iniciativas xa impulsadas por outros colectivos, que se mobilice e demande da administración autonómica unha mellor atención e coidado da educación na zona rural. 
 Análise da situación da escola no medio rural e procura de alternativas encamiñadas á elaboración dun plan específico de educación no rural. 
 Poñer en valor o potencial da pedagoxía Freinet na procura doutros modelos educativos, adaptados a contextos rurais.
 
Máis información Doc. AXUNTO.-


Saúdos


- Anpa .-
 



 

sábado, 4 de marzo de 2017

FOLGA ENSINO- 9 MARZO-2017

 
 
 
FOLGA ENSINO
9 de MARZO-2017
 
                                    XORNADA DE FOLGA NO ENSINO
A totalidade da comunidade educativa do Estado convocou, para o vindeiro xoves día nove de marzo e en todos os niveis educativos do ensino, unha nova xornada de folga contra a LOMCE. Esta convocatoria vai dirixida á docentes, nais/pais e alumnas/os.
Dende esta Federación de ANPAs, e por medio deste escrito, pretendemos expoñer brevemente cales son as razóns que xustifican a necesidade desta nova convocatoria de folga, mais aínda cando se están a escoitar voces desmobilizadoras que pretenden facernos crer que xa todo esta solucionado.
Aínda a risco de ser repetitivos, pensamos que é importante facer un pequeno análise recordando o que é a LOMCE o que, ao noso entender, representa e as consecuencias que traerá sobre as nosas fillas e fillos. Primeiramente debemos ter claro que se lle chama LOMCE a unha Lei Orgánica auto-nomeada de “Mellora da Calidade Educativa”, lei que se aprobou no ano 2013 para MODIFICAR a LOE (Lei Orgánica 2/2006 de Educación) que aínda é a lei vixente en materia educativa en España. Polo tanto o que fixo a LOMCE foi modificar un importante número de artigos da LOE co obxectivo final de establecer un determinado modelo educativo, destacamos o tantas veces dito pero que nos parece fundamental ter claro: A LOMCE elimina as competencias decisorias dos Consellos Escolares e os converte en meros órganos de consulta e, ademais, establece un procedemento de selección de directoras/es no que a decisión final resérvase para a Administración educativa, por iso dicimos que é unha Lei ANTIDEMOCRÁTICA; a LOMCE eliminou do currículo a “educación para a cidadanía” e estableceu como materia curricular, mesmo no bacharelato, a “relixión católica”, ademais reduciu drasticamente horas curriculares nas “ciencias sociais” (historia, filosofía, etc...) e nas “materias artísticas”, por iso dicimos que é unha Lei IDEOLÓXIZADA; a LOMCE potencia a educación concertada e permite a educación “diferenciada por sexos”, o que vulnera gravemente o dereito fundamental á igualdade consagrado na Constitución Española, por iso dicimos que é unha Lei SEGREGADORA; a LOMCE eliminou as “adaptacións curriculares” do modelo educativo, ferramenta fundamental para a inclusión educativa, establecendo os chamados “programas de mellora” e creando itinerarios temperás, onde alumnado moi xove (13 ou 14 anos) ten que decidir se vai a optar á liña da “excelencia” ou a liña da “formación profesional”, ademais todo isto acompañado dun escandaloso recorte nos recursos educativos de apoio, por iso dicimos que é unha Lei EXCLUINTE; a LOMCE reserva para o Estado a maioría da programación educativa, invadindo claramente as competencias autonómicas en materia curricular, por iso dicimos que é unha Lei CENTRALIZADORA. Como se pode observar con todo isto temos razóns abondas para rexeitar a LOMCE e aínda non se falou das famosas “reválidas”. As “probas finais de avaliación”, como a Lei chama ás reválidas, teñan ou non “efectos académicos” estrutúranse como unha ferramenta fundamental para implementar o modelo educativo deseñado pola LOMCE. Isto é así por ser probas deseñadas polo Goberno central, avaliadas por axentes externos e que terán repercusións nos centros educativos ao establecer ránkings de centros e criterios para a dotación dos recursos, resulta que a mellores resultados, maiores recursos. Xa sabemos que estas probas avalían o nivel de memorización acadado polas alumnas/os dos contidos curriculares establecidos pola LOMCE, os centros non terán mais opción que cinguirse ao currículo LOMCE, o que liquidará a capacidade de establecer os seus proxectos educativos e, polo tanto, liquídase a autonomía docente dos centros e a atención á diversidade.
As consecuencias da implantación da LOMCE son claras, o establecemento final dun MODELO EDUCATIVO NEOLIBERAL que pretende formar a unha maioría social como traballadoras/es e consumidoras/es, con escasa formación persoal e cultural e cunha clara formación técnica moi especializada, maioría social que servirá a un mercado laboral completamente liberalizado como “man de obra barata”. Doutra banda permitirá a unha elite social, que dispón de grandes recursos, formar ás súas fillas e fillos na chamada “educación da excelencia” para continuar sendo elite.
      É ESTE O MODELO EDUCATIVO QUE QUEREMOS PARA AS NOSAS FILLAS E FILLOS?
Porqué é necesario que a comunidade educativa continúe mobilizándose? Como ben recordaredes, na campaña electoral TODOS os partidos políticos, excepto o Partido Popular, PROMETERON DERROGAR A LOMCE canto houbera unha maioría parlamentaria alternativa no Parlamento Español. Hoxe existe esa maioría parlamentaria alternativa, mais a LOMCE continúa VIXENTE e as nosas fillas e fillos xa están sufrindo as perniciosas consecuencias desta lei antidemocrática.
Que é o que realmente se fixo no Parlamento Español? Pois no Parlamento, de momento, non se fixo NADA. O Goberno aprobou o día 9 de decembro pasado un Real Decreto Lei por motivos de urxencia. Esta norma NON pode derrogar a LOMCE e, exclusivamente, “paraliza o calendarios de implantación das reválidas” eliminando os efectos académicos ate que se aprobe o “pacto pola educación” asinado entre “PP” e “Ciudadanos” ao que, agora, sumouse o “PSOE”. Consecuentemente con isto as reválidas de 3º e 6º de primaria e a de 4º da ESO continuarán facéndose, é certo que de momento de xeito “censal”, pero como ninguén sabe a que centro lle tocará a “lotería” da proba e todos necesitamos ter bos resultados, pois seremos obedientes e aplicaremos a LOMCE sen chistar, non vaia a ser o demo!
QUE É O QUE DEMANDA A MAIORÍA DA COMUNIDADE EDUCATIVA?:
ESIXIMOS que se cumpran as promesas electorais e SE DERROGUE INMEDIATAMENTE A LOMCE. Para iso non hai mais que restablecer a LOE coa redacción anterior a aprobación da LOMCE, recordaredes que a lei educativa vixente e a LOE.
ESIXIMOS que en todo o Estado se constitúan as mesas de traballo necesarias para que estean presentes a totalidade das organizacións que representan ao conxunto da comunidade educativa (docentes, alumnas/os, nais/pais, expertos, administración, partidos políticos, etc..,). Non queremos un “seudo” pacto pola educación entre os de sempre, e que ao final non se mude nada.
ESIXIMOS que esas mesas de traballo, na que todas/os estaremos representadas/os, e no tempo que sexa necesario, elaboren o tan desexado por todas/os MODELO EDUCATIVO DE CONSENSO.
 Consecuentes con todo isto, a FEDERACIÓN COMARCAL DE FERROLTERRA DE ANPAS DE CENTROS PÚBLICOS, fai un chamamento a todas as familias de TODAS AS ETAPAS EDUCATIVAS para que SECUNDEN A FOLGA e NON leven as súas filas e fillos a escola o día 9 de marzo, participando ademais nas mobilizacións convocadas.
 

NON a LOMCE !!
NON aos RECORTES !!
NOVA LEI EDUCACIÓN !!
 
 
 
 
- Directiva .-
 


martes, 28 de febrero de 2017

Prazas vacantes - 2017-18 .-

Prazas vacantes para o curso 2017-2018

           Relación de prazas vacantes para o vindeiro
curso 2017-2018:

ESO:
           1º Curso:   15 prazas.
           2º Curso:   15 prazas.
           3º Curso:   8 prazas.
           4º Curso:   4 prazas.

BACHARELATO:
           1º Curso:  68 prazas.
           2º Curso:  40 prazas.
- Web - IES Sofía Casanova .-

X ENCONTRO DE DEBATE SOBRE O MEDIO RURAL GALEGO (Parque Temático Aldea Nova, Sedes)



X ENCONTRO DE DEBATE SOBRE O
MEDIO RURAL GALEGO
 (Parque Temático Aldea Nova, Sedes)




   Estimadas compañeiras e compañeiros:
   Axuntamos información sobre estas Xornadas de Convivencia que contarán coa participación de dúas ponencias por parte de ANPAS GALEGAS.
Dende FEANPAS animamos a participar desta oportunidade a estudantes, profesionais, familias e a todas aquelas persoas preocupadas polo futuro do medio rural: 

   O  grupo de educación no rural da Asociación Pedagóxica NOVA ESCOLA GALEGA convídavos a participar os días 31 de marzo, 1 e 2 de abril de 2017 nX ENCONTRO DE DEBATE SOBRE O MEDIO RURAL GALEGO, que levará por título NA PROCURA DUN PLAN DE EDUCACIÓN ESPECÍFICO PARA O RURAL.
Será no parque temático do mundo rural "Aldea Nova", Lagoela s/n, Sedes, Narón (A Coruña). Coordenadas  GPS:  43.561667 - 8.132778.
 
   Nestas xornadas de convivencia queremos reflexionar acerca da necesidade de proxectos de escolarización específicos para o rural, a partir dun modelo de escola integrada no medio, na comunidade local e na cultura rural: como é sabido todo proceso de desenvolvemento sociocultural e educativo necesariamente debe poñer o acento na dimensión comunitaria, e moi especialmente cando se contextualiza no medio rural.
 O concello de Narón pon en funcionamento nos anos 2007-2008 o parque temático do mundo rural "Aldea Nova",  un proxecto de desenvolvemento rural non produtivo, coa finalidade de que servira de impulso para formar, promover e dinamizar as zonas rurais achegadas ás zonas urbáns, cun obxectivo educacional e socioeconómico.
Neste senso vai tamén a proposta de retomar a pedagoxía Freinet, polo seu potencial como modelo educativo ben diferenciado e pola súa validez no actual contexto educativo en ámbitos rurais.    
 
Máis información en:   www.neg.gal  
Un cordialísimo saúdo do grupo de educación no rural de NOVA ESCOLA GALEGA.

Federación Comarcal de ANPAS de Centro Públicos de Ferrolterra.

     




miércoles, 15 de febrero de 2017

Mobilizacións contra a Lomce - 16 Febreiro



 
- Mobilizacións contra a LOMCE -


MANIFESTACIÓN o XOVES-16 de Febreiro ás 12 horas .-

CONCENTRACIÓN o XOVES-16 de Febreiro ás 19 horas.-

 
 


 
 
 



sábado, 11 de febrero de 2017

Nosa língua .-



- EQUIPA DE NORMALIZACIÓN LINGÜÍSTICA -
 










Selectividade 7,8 e 9 de Xuño.-

 A selectividad será os días 7, 8 e 9 de xuño,
 e as notas sairán o 16.

Haberá ata catro materias para subir nota,
 ademais da obligatoria de opción.
 A Voz de Galicia
Sara Carreira
redacción / a voz 11/02/2017 
A selectividad galega vai tomando forma. Onte concretáronse varios puntos, especialmente as datas e as materias para subir nota. Primeiro, os días: celebrarase o 7, 8 e 9 de xuño, que serán mércores, xoves e venres; as notas chegarán unha semana despois, exactamente o día 16. A proba de setembro adiántase un día con respecto ao habitual, para que non chegue ao día 15, data límite segundo o decreto: será o 12, 13 e 14 (martes, mércores e xoves). Por certo, a selectividad, que nunca se chamou así oficialmente, ten nome novo: ABAU, Avaliación de Bacharelato para ou Acceso á Universidade; en castelán, EBAU, Avaliación de Bachillerato para o Acceso á Universidade.
Un asunto importante que se acordou onte é o número de optativas ás que o alumno pódese presentar para subir nota: serán 4, o máximo permitido polo decreto (o mínimo era ofrecer dous), aínda que ten certa trampa porque tamén se suma a asignatura obligatoria de opción, así que un estudante pode acabar con cinco materias para subir nota en función da carreira. «O obxectivo -explicou onte Pedro Armas, representante da Universidade dá Coruña na CIUG, a comisión interuniversitaria que se encarga da selectividad- é facilitar as cousas aos alumnos, especialmente a aqueles que non están decididos por unha carreira».
Un exemplo práctico. Unha estudante galega dúbida entre matricularse en Bioloxía ou Química. Na primeira carreira prímanse as asignaturas de Bioloxía, Ciencias dá Terra, Física, Matemáticas e Química; na segunda opción, só valórase dobre Física, Matemáticas e Química. Esta alumna sabe que Matemáticas xa se inclúe porque entra na parte xeral, a obligatoria. Pero como optativas, que pode elixir? Bioloxía e Química, claro, pero tamén pode atreverse con Física ou Ciencias dá Terra. A vantaxe deste sistema é que a moza ten cinco opcións, tres para cada carreira, de ter nota. Como o software elixirá as dúas mellores notas segundo a carreira que marque, garantirase un amplo abanico de posibilidades. «Nós deixamos o máis aberta posible esta opción -detallou onte Armas- aínda que é un número moi reducido de alumnos o que elixe as catro materias para subir nota. Cada ano, uns 100 dos 11.000 que se examinan».
O normal cando o alumno non ten claro que quere estudar é que se presente a tres asignaturas para subir nota, e evitar que o pinchazo nunha materia dea ao traste coas súas posibilidades. A iso hai que engadir, en calquera caso, a obligatoria de opción (Historia da Arte, Latín, Matemáticas Aplicadas ás Ciencias Sociais ou Matemáticas II, segundo o tipo de bachillerato elixido).
Este ano, como se recordará, a primeira parte da selectividad vale 10 puntos e inclúe Lingua Castelá, Lingua Galega, Historia de España, Primeira Lingua Estranxeira e a obligatoria de opción.
-La voz de galicia.-

jueves, 22 de diciembre de 2016

Feliz ANINOVO-2017-

 
 
A Anpa do IES Sofía Casanova deséxavos;
 
 
FELICES FESTAS
 
 
FELIZ EDUCATIVO ANINOVO-2017
 
 
 
 
 
 
 
 
- Xunta Directiva .-
 

 


Banco alimentos.


 
 


Informamos que imos iniciar unha campaña do BANCO DE ALIMENTOS SOLIDARIOS neste  centro coas DOAZÓNS das familias dirixidas as persoas desfavorecidas a través das distintas organizacións solidarias e sen ánimo de lucro.
 
 
 
 
Pedimos aportacións destinados a hixiene, produtos básicos, produtos infantís e bebés, aceites, pastas, legumbres, chocolates, postres do Nadal, ..etc 
 
 
 
 
 
 
    Esperamos e desexamos a verdadeira RECUPERACIÓN ECONÓMICA e EMPREGO DIGNO para conseguir unha VERDADEIRA EQUIDADE ECONÓMICA E SOCIAL para que no futuro desaparezan estas tristes campañas.


Saúdos .-


- Directiva Anpa .-

Sen violencia machista.

 
 
´
 
 
- ESPAZO SEN VIOLENCIA MACHISTA .-
 
 
 
 
 


















- DIRECTIVA ANPA .-




lunes, 12 de diciembre de 2016

Composición CONSELLO ESCOLAR GALICIA.-


Ver gráfico Composición do Consello Escolar

Educación quere que a presenza de pais no Consello Escolar aumente.

As ANPA só ocupan agora 5 das 51 prazas que integran o órgano consultivo

 

Redacción / La Voz 12/12/2016.
 
O Consello Escolar do Estado votará mañá o ditame obrigatorio da normativa da nova reválida. A renovación in extremis deste órgano puxo sobre a mesa a súa existencia, polo demais discreta. Galicia tamén ten o seu propio ConselloEscolar , que posiblemente se reúna este mes, a súa segunda cita anual tras unha en marzo. Co comezo da lexislatura avecíñanse cambios, xa que a Xunta se comprometeu a modificar a lei que regula a entidade para aumentar a presenza de pais, favorecer a de alumnos e acoller a colectivos en favor da diversidade. Pero, ¿como funciona o Consello? ¿Para que serve? ¿Os seus membros que opinan?
O Consello Escolar de Galicia, como o do Estado, é un órgano consultivo que emite ante cada lei ditames obrigatorios pero non vinculantes. Están representados todos os sectores da escola e en total son 51 persoas, aínda que hai catro prazas vacantes: as tres dos estudantes -«non hai alumnos porque o órgano que ten que propor aos candidatos son as confederacións, e non hai ningunha en Galicia», di a Xunta- e unha das dúas do persoal de administración e servizos. Hai mínimas diferenzas entre a composición dos consellos galego e estatal: o primeiro inclúe aos movementos de renovación pedagóxica e ao Seminario de Estudos Galegos, mentres que o estatal conta cun espazo propio para as mulleres. O Consello reúnese entre unha e tres veces ao ano en función da normativa que teña que tramitar, e é a comisión permanente -sete presentas- a que dá forma á sesión.
 
   En canto a que opinan os seus compoñentes, a totalidade aplaude a súa existencia, aínda que sobre o funcionamento hai opinións atopadas. Por unha banda, está a Administración educativa, que o considera «de vital importancia» porque «palpa o sentir dos grupos». Dio José Manuel Pinal Rodríguez, director xeral de Centros e Recursos Humanos (o vicepresidente do organismo, Fernando do Pozo, declinou a invitación a participar nesta reportaxe).
Para Pinal é lóxico que os ditames do Consello non sexan vinculantes, porque non podería variar leis aprobadas no Parlamento, pero asegura que «xorden acordos para mellorar o sistema» e «houbo modificacións, algunhas cousas elimináronse ou se transaccionaron» por mor das opinións do consello.
En absoluto comparten esta opinión outros representantes do ente autonómico. Nin o especialista José Luis Fernández (representante do Movemento de Renovación Pedagóxica) nin os sindicalistas Anxo Louzao (CIG) ou Gerardo Morano (UGT). Para este último, os plenos do Consello transmítenlle «a sensación dun frontón. A consellería non acepta nada, incluso en cousas facilmente asumibles». E Anxo Louzao resume: «Somos convidados de pedra [porque] é un apéndice da consellería. Aprobáronse resolucións contra á Lomce, o decreto do bilingüismo, a lei de convivencia... pedíronse modificacións e non foron atendidas. É unha excepción atopar algo que aprobara o Consello e que a consellería fixera un cambio na normativa». Morano engade: «Nos ditames ás veces non se recolle o que se debateu, e poden ser nesgados. Nunha ocasión que a reunión se alargaba moito colgáronse as conclusións antes de que o debate terminase».
¿Presidente por votación?
 
    A crítica tamén chega do Movemento de Renovación Pedagóxica. José Luis Fernández asegura que o Consello «é un órgano consultivo moi incómodo. Os ditames son bastante ridículos. Ti non podes dicir que queres dialogar se despois non fas ningunha cesión». Recalca que «é o único consello do Estado no que o presidente [es el conselleiro] non aparece». Louzao asegura que se debe a e «un regulamento moi encorsetado, a dispor da consellería e que non cumpre a función de participación», que no caso galego o colmo é que o preside o titular de Educación, cando o normal é que sexa un nome que se poida manter cando cambia o conselleiro. Por certo, neste punto, o sindicalista propón que «sendo un órgano de representación parecería lóxico que ao presidente o nomearan os propios membros do Consello, e non a Administración».
     Non é a dificultade de ver plasmado en normativa aquilo que se aproba a única queixa dos membros do Consello. Os pais e centros, por exemplo, considéranse infrarrepresentados. Son cinco presentas (tres das ANPA públicas e dúas das concertadas) fronte aos doce sindicalistas (representantes da escola pública, da privada e centrais sindicais) ou aos oito dos concellos. María José Mansilla, da ANPA de colexios concertados, apunta: «Como somos tan poucos estamos moi limitados nas comisións de traballo, porque ademais non hai suplencia, e si son elixida eu e ese día non podo ir, pois non vai ninguén».
   Ignacio Parajó, da Federación de Centros Educación e Xestión (concertados), valora positivamente o Consello -«a súa función é enriquecer as normas coas opinións dos coñecedores do problema»- pero dubida da representatividade do mesmo: «Non é un foro educativo no sentido estrito, xa que ten un enfoque tamén de tipo político, que atende outras reclamacións non estritamente educativas». Para el, «o futuro da sociedade está nos colexios, é o que imos ter dentro duns anos. Si non estamos centrados en cuestións técnicas e educativas, igual lamentámolo».
   Javier Sánchez, de Anpas Galegas, para quen o Consello «é un órgano importante de representación», tamén cre que os pais teñen pouca forza porque «os grupos facemos emendas ás leis ou decretos e as valora a comisión permanente, no que nas ANPAS so teñen un representante». E esta entidade avoga por centrarse en cuestións que afectan os nenos: eles están pendentes de que se trate a súa última iniciativa, «a .. mellora da educación domiciliaria-hospitalaria, xa que o protocolo actual non é suficiente»
    Fronte a estas queixas sobre o peso dos diferentes grupos, Anxo Louzao nega a maior: «O profesorado non está sobredimensionado, todo o contrario. Penso que os profesores temos moito que dicir ao respecto do sistema. Habería que preguntarse a razón de certa representación: a propia Administración galega; a Administración local ten oito persoas; que fai representada a patronal do transporte; ou os empresarios, propietarios do ensino privado.... Os profesores somos os que diariamente estamos ensinando». E considera que si a consellería se expón cambiar a estrutura do Consello «non será para mellorar a participación do organismo, senón para que o apoie a ela».«Somos convidados de pedra» e «é un frontón», lamentan os representantes dos sindicatos.
 
- La Voz de Galicia .-
 
 

viernes, 25 de noviembre de 2016

Maioría alumnado secunda a FOLGA.

Diario de Ferrol .-

Estudantes e Anpas voltaron á rúa para

esixir a derrogación da Lomce e das reválidas

Varios centos de persoas – máis de 700 segundo os convocantes– secundaron onte pola mañá a manifestación convocada na cidade naval no marco das mobilizacións do Sindicato de Estudantes e as Anpas Galegas para esixir, unha vez máis

Estudantes e Anpas voltaron á rúa para esixir a
 
derrogación da Lomce e das reválidas.
 
Un momento da manifestación de onte. daniel Alexandre
                       

  Varios centos de persoas –máis de 700 segundo os convocantes– secundaron onte pola mañá a manifestación convocada na cidade naval no marco das mobilizacións do Sindicato de Estudantes e as Anpas Galegas para esixir, unha vez máis, a derrogación da Lomce e a inmediata supresión das probas de avaliación, coñecidas como reválidas, implantadas na mesma.

   Esta é a única solución válida para as dúas organizacións como paso previo para comezar a falar dun pacto de estado en materia educativa, polo que vén nos últimos acontecementos ocorridos no Congreso –tanto a aprobación da proposición de lei do PSOE para paralizar o calendario de implantación da Lomce como o anuncio do ministro de aprobar un decreto para deixar sen efectos académicos as devanditas probas– unha “falacia e unha maquillaxe” para acadar a desmobilización dunha gran maioría da sociedade que desde o primeiro momento expresou a súa oposición á lei devandita lei educativa aprobada polo Partido Popular.

   Desde a delegación ferrolá do Sindicato de Estudantes, apuntaron onte que as mobilizacións continuarán ata que a Lomce e as reválidas desaparezan definitivamente.
   No tocante ao seguimento da xornada de folga, no ensino secundario situouse, segundo o colectivo, nunha media do 90%.
   En moitos institutos as aulas permaneceron valeiras durante toda a xornada.
   En centros como o IES Concepción Arenal, por exemplo, o 98% dos estudantes de 4º de ESO e de primeiro e segundo de Bacharelato non asistiron ás clases, mentres que no primeiro ciclo da ESO a asistencia ao centro foi aproximadamente dun 60%. Tanto neste nivel como en Infantil e Primaria, polas idades dos nenos, a folga ten que ser materializada polas familias.
   
  As que onte quixeron secundar a xornada reivindicativa optaron por non enviar aos seus fillos á escola. Nestes niveis, a incidencia foi moito menor que en Secundaria –arredor do 50% nos centros públicos–, variando moito entre uns colexios e outros. Houbo casos, como nos Casais ou no Manuel Masdías de Caranza, onde moi poucos nenos foron a clase.

 Trala manifestación de pola mañá, na que xunto aos estudantes e familias déronse cita sindicatos, representantes de partidos políticos así como traballadores e persoal do comité de empresa de Navantia ou membros de entidades culturais e sociais como Fuco Buxán, pola tarde tivo lugar, de novo diante do edificio administrativo da Xunta na Praza de España, unha concentración de rexeitamento á Lomce convocada pola Plataforma Galega en Defensa do Ensino Público.
 
- Diario de Ferrol .-