- ACTOS HOMENAXE 50º ANIVERSARIO -
- INSTITUTO SOFÍA CASANOVA -
- DISCURSO ANPA -
A educación é o arma máis poderosa para cambiar o mundo
(Nelson Mandela)
A educación empeza no berce e non termina xamais.
Afortunadamente, temos a capacidade de aprender todos os días das nosas vidas. Pero o que determinará o noso carácter e a nosa capacidade para aprender, iso, sucederá probablemente na nosa idade máis temprana.
É por iso, que os pais sabemos que nas nosas mans temos unha gran responsabilidade, unha responsabilidade que non é comparable a ningunha outra. Non hai nada máis importante que este momento.
É seguro que nos imos a equivocar, claro que o faremos, pero intentamos que a pegada que deixamos nos nosos fillos sexa tal, que axude a que sexan capaces de ser felices e de facer felices a outros.
Que sexan respetuosos co mundo e que do mundo, sexan capaces de facer algo máis belo, algo que mereza a pena.
Cando deixamos aos nosos fillos nun centro educativo, confiamos os nosos fillos aos profesores. É dicir, deixamos o máis preciado para nós, baixo a súa tutela.
Eles son a partir dese momento, os que nos van a axudar, os que van traballar man a man connosco. Por iso hoxe queremos dar grazas aos profesores e dignificar esta profesión.
Nunha ocasión, o noso recentemente retirado director Xoan Silvar, comentaba con certa emoción, que recordaba como chegaran moitos alumnos ao centro, sendo uns nenos. Pasado o tempo, tiña o privilexio de ver a eses mesmos alumnos convertidos en adultos, en persoas con criterio e formación.
Supoñemos que do mesmo xeito que nos sucede aos pais, gústalles pensar que han ter algo que ver nesa transformación.
Supoñemos que do mesmo xeito que nos sucede aos pais, gústalles pensar que han ter algo que ver nesa transformación.
Os pais sabemos que é así. Un bo profesor ten o poder de facer que os nosos fillos sexan capaces, créanse capaces e o día de mañá móstrenlle ao mundo o que son capaces de facer.A educación é o arma máis poderosa para cambiar o mundo.
É por iso que hoxe e todos os días, os pais imos seguir defendendo a educación como un ben, como un dereito. Como algo de todos e para todos. A educación non é un negocio é unha necesidade para o ser humano e por iso ha de ser pública e gratuita.
O ANPA quere felicitar ao Sofía Casanova por estes 50 anos axudando a facer mellores persoas.
E aproveitando esta circunstancia e sen esquecer o noso carácter reivindicativo, invitar ás autoridades aquí presentes, a facer un esforzo por darlle un lavado de cara as moitas das instalacións deste centro como agasallo de aniversario.
Moitas grazas e que a educación pública cumpra moitos máis.
No hay comentarios:
Publicar un comentario