Calendario escolar.-

　Reenviamos parte da extensa Orde da Consellería de Cultura, Educación..

cos calendarios, actividades escolares...

- Directiva Anpa.-

    CONSELLERÍA DE CULTURA, EDUCACIÓN E ORDENACIÓN UNIVERSITARIA

ORDE do 13 de xuño de 2012 pola que se aproba o calendario escolar para o curso 2012/2013 nos centros docentes sostidos con fondos públicos.

A disposición adicional quinta da Lei orgánica 2/2006, do 3 de maio, de educación (BOE do 4 de maio) establece que as administracións educativas fixarán anualmente o calendario escolar e que este comprenderá un mínimo de 175 días lectivos para o ensino obrigatorio.

Tendo en conta que as funcións de planificación, regulación e administración do ensino integrado son competencia da Consellería de Cultura, Educación e Ordenación Universitaria e co obxecto de fixar o calendario escolar e as actividades de fin de curso para o curso 2012-2013 nos centros docentes sostidos con fondos públicos da Comunidade Autónoma de Galicia, por proposta da Dirección Xeral de Educación, Formación Profesional e Innovación Educativa, taria e co obxecto de fixar o calendario escolar e as actividades de fin de curso para o curso 2012-2013 nos centros docentes sostidos con fondos públicos da Comunidade Autónoma de Galicia, por proposta da Dirección Xeral de Educación, Formación Profesional e Innovación Educativa,

DISPOÑO:

CAPÍTULO I

Calendario escolar

Artigo 1.

Aprobación

Apróbase o calendario escolar para o curso 2012-2013 coas especificacións que se sinalan.

Artigo 2.

Ámbito de aplicación

Esta orde é de aplicación en todos os centros docentes da Comunidade Autónoma de Galicia sostidos con fondos públicos.

Artigo 3.

Duración do curso académico

1. O curso académico abranguerá desde o día 1 de setembro de 2012 ata o 31 de agosto de 2013.

2. Nos primeiros días do mes de setembro e ata o día 6 como máximo realizaranse as probas correspondentes á convocatoria extraordinaria do curso 2011-2012 para o alumnado de educación secundaria obrigatoria e bacharelato.

3. As sesións de avaliación e a entrega de cualificacións da dita convocatoria extraordinaria poderán realizarse ata o día 10 de setembro, incluído.

4. Sen prexuízo do establecido no artigo 10 desta orde, nos días en que se celebren as probas extraordinarias será de aplicación o punto 107 das instrucións que regulan a organización e o funcionamento dos institutos de educación secundaria, aprobadas pola Orde do

1 de agosto de 1997 (DOG do 2 de setembro), e o punto 127 das instrucións que regulan a organización e o funcionamento dos centros públicos integrados, aprobadas pola Orde do 3 de outubro de 2000 (DOG do 2 de novembro). Para tal fin, as direccións dos centros elaborarán o correspondente horario de gardas. O alumnado de educación secundaria obrigatoria e bacharelato que non puidese ma    tricularse no prazo ordinario poderá facelo no prazo extraordinario, que rematará o día 12 de setembro de 2012, incluído.

Artigo 4.

Comedores escolares dos centros públicos

Os comedores escolares funcionarán en educación primaria desde o día 12 de setembro de 2012 ata o 21 de xuño de 2013. En educación secundaria obrigatoria funcionarán desde o 17 de setembro de 2012 ata o 21 de xuño de 2013.

Artigo 5.

Actividades lectivas

1. No 2º ciclo de educación infantil, na educación especial e na educación primaria, a    impartición efectiva de clases realizarase do día 12 de setembro de 2012 ao 21 de xuño de 2013, ambos os dous inclusive.

2. Na educación secundaria obrigatoria, no bacharelato e na formación profesional, a impartición efectiva de clases realizarase do día 17 de setembro de 2012 ao 21 de xuño de 2013, ambos os dous inclusive. Non obstante o anterior, para o segundo curso de bacharelato a impartición efectiva de clases rematará de acordo coas datas previstas para a proba de acceso á universidade. Terán a consideración de días lectivos os dedicados á impartición efectiva de clases e aqueles que se dediquen á realización das probas e avaliacións finais das convocatorias ordinaria e extraordinaria.

3. Nas ensinanzas de réxime especial as actividades lectivas realizaranse entre os días 17 de setembro e 28 de xuño, de acordo cos calendarios de probas de acceso e probas de certificación establecidos para cada unha delas.

Artigo 6.

Períodos de vacacións

1. Nadal: desde o día 22 de decembro de 2012 ata o día 7 de xaneiro de 2013, ambos os dous inclusive.

2. Semana Santa: desde o día 25 de marzo ata o 1 de abril de 2013, ambos os dous inclusive.

3. Entroido: días 11, 12 e 13 de febreiro de 2013.

Artigo 7.

Días non lectivos

1. Son días non lectivos os festivos así declarados pola Consellería de Traballo e Benestar da Xunta de Galicia, en exercicio das competencias que lle atribúe o artigo 45 do Real decreto 2001/1983, do 28 de xullo, na súa redacción dada polo Real decreto 1346/1989, do 3 de novembro (BOE do 7 de novembro), e as festas laborais de carácter local publicadas por resolución da dita consellería.

2. Nos centros en que unha ou as dúas festas laborais de carácter local, ás cales se efire o punto anterior, non coincidan con días de clase, os consellos escolares, os consellos sociais ou, no seu defecto, os responsables dos centros de menos de tres unidades poderán solicitar, segundo proceda, un ou dous días non lectivos, que deberán preverse na programación xeral do centro, argumentando razóns de tradición, costume ou conveniencia pedagóxica. Esta petición deberá facerse antes do día 28 de outubro de 2012, perante a Xefatura Territorial da Consellería de Cultura, Educación e Ordenación Universitaria, que, logo de informe da Inspección Educativa e dos que coide oportunos, resolverá o que proceda. É recomendable que os centros da mesma localidade elixan, de ser o caso, os mesmos días non lectivos, para o que se buscará o consenso entre todos os centros para a súa selección.

3. Ademais dos anteriores, sen prexuízo do establecido no artigo 8.2 e co fin de unificar a realización dos patróns de cada nivel educativo, establécese o Día do Ensino coa consideración de non lectivo para efectos académicos e que no curso 2012-2013 se celebrará o 2 de novembro de 2012.

Artigo 8.

Conmemoracións

1. Durante o curso escolar celebraranse, como mínimo, as seguintes conmemoracións:

– 25 de novembro de 2012: Día Internacional contra a Violencia de Xénero.

– Do 1 ao 11 de decembro de 2012: conmemoración da Constitución e do Estatuto de autonomía de Galicia.

– 10 de decembro de 2012: Día da Declaración Universal dos Dereitos Humanos.

– 30 de xaneiro de 2013: Día da Paz.

– 8 de marzo de 2013: Día Internacional da Muller Traballadora.

– 15 de marzo de 2013: Día Mundial dos Dereitos do Consumidor.

– Do 11 ao 15 de marzo de 2013: Semana da Prensa. Un día desta semana traballarase na aula con xornais.

– Entre o 12 e o 30 de abril de 2013: Día do Libro.

– 7 de abril de 2013: Día Mundial da Saúde.

– 9 de maio de 2013: Día de Europa.

– Do 9 ao 17 de maio de 2013: Semana das Letras Galegas.

– 5 de xuño de 2013: Día Mundial do Ambiente.

2. Cando algunha das datas a que se refiren os puntos anteriores sexa sábado, domingo, festividade local ou estea incluída nalgún dos períodos de vacacións establecidos no artigo 6 desta orde, a correspondente conmemoración celebrarase o día lectivo inmediatamente anterior ou posterior segundo estableza a programación xeral anual.

3. As datas a que se refire o punto 1 son lectivas para todos os efectos e nelas os centros deberán organizar actividades diversas, tendentes a salientar a importancia das referidas conmemoracións.                                                                                                                           CAPÍTULO II

Inicio do curso

Artigo 9.

Actividades de programación

1. Desde o día 1 de setembro ata o inicio das clases, o profesorado dos centros públicos, ben individualmente, ben formando parte dos órganos de coordinación didáctica correspondentes, baixo a dirección dos seus responsables, colaborará na elaboración da programación xeral anual e na revisión dos proxectos educativos e concrecións de currículos, participará nas reunións de ciclos, departamentos, claustros e cantas outras actividades estean relacionadas coa organización do curso. Neste período os departamentos didácticos e os equipos de ciclo, baixo a coordinación e dirección da respectiva xefatura de departamento ou coordinación de ciclo, dedicaranse a elaborar a programación didáctica das ensinanzas correspondentes ao ciclo, ás áreas, materias ou módulos integrados no departamento e a organizar o curso escolar.

2. As direccións dos centros, a través da Xefatura de Estudos, velarán porque o profesorado realice as funcións do punto anterior.

3. Previamente ao inicio de curso, o profesorado responsable de cada departamento e da coordinación de ciclo fará entrega da programación didáctica á Xefatura de Estudos.

A Dirección do centro remitirá as programacións docentes á Inspección Educativa, que comprobará a súa adecuación ao establecido nas disposicións vixentes e formulará as suxestións que coide oportunas, indicando as correccións que procedan.

4. Ao inicio de curso, o profesorado responsable de cada departamento e da coordinación de ciclo elaborará información básica relativa á programación didáctica, que dará a coñecer á comunidade educativa seguindo o procedemento establecido no centro para garantir a súa publicidade. Así mesmo, o profesorado informará o alumnado das programacións docentes da súa área ou materia. Esta información básica incluirá os obxectivos, contidos e criterios de avaliación do ciclo ou curso correspondente, os mínimos exixibles para obter unha valoración positiva, os criterios de cualificación e os procedementos de avaliación da aprendizaxe que se vaian utilizar.

5. Nos centros pertencentes á Rede de Centros Integrados de Formación Profesional de Galicia seguirase o establecido no artigo 3 da Orde do 29 de xullo de 2011 pola que se desenvolve o Decreto 77/2011, do 7 de abril, polo que se establece o Regulamentoorgánico dos centros integrados de formación profesional competencia da Consellería de Educación e Ordenación Universitaria.

Artigo 10.

Xornada escolar

1. A xornada escolar será a establecida pola lexislación vixente para cada unha das etapas e niveis.

2. Aqueles centros que combinen o servizo de transporte escolar con outros centros deberán establecer, coa autorización da Xefatura Territorial da Consellería de Cultura, Educación e Ordenación Universitaria, un horario que, coas adaptacións necesarias, lles permita garantir o axuste e a perfecta coordinación dos centros con este servizo. Estes centros comunicaranlle á xefatura territorial a proposta de horario escolar para o curso 2012-2013, que deberá resolver antes do inicio das clases.

3. A xornada matinal nos centros que a tivesen concedida pola xefatura territorial para os meses de xuño e setembro do ano académico 2011-2012 considérase prorrogada para o curso 2012-2013 nos mesmos termos, sempre que non variasen as circunstancias en que foi concedida.

.../...

Maior sobresaínte de Galicia- Andrea - Alumna do Sofía.

“Os meus soños son traballar no CERN de Xenebra ou na Axencia Espacial Europea”

Lunes, 06 de Agosto de 2012 

Diario de Ferrol.-

entrevista j. gómez .

É a alumna máis sobresaínte de Bacharelato de toda Galicia. Cunha puntuación final de 29,4 puntos sobre 30 posibles, a xa exalumna do IES Sofía Casanova de Ferrol –e antes do CEIP Manuel Masdías de Caranza– Andrea Mosquera Alonso obtivo a mellor puntuación dos máis de 550 estudantes deste nivel educativo de toda a comunidade autónoma que se presentaron ás probas.

Os premios, 1.000 euros e mais a exención de pagar as taxas da matrícula o vindeiro curso, que realizará na Universidade Carlos III de Madrid na procura de cumprir os seus soños.

Seméllanse as probas do premio extraordinario ás da Selectividade?

As probas non teñen nada que ver coa Selectividade, que é unha proba do nivel de coñecemento que un adquire en Bacharelato. No premio extraordinario asúmese que todos temos ese nivel de coñecemento, logo búscase algo distinto. Son, iso pareceume a min, probas de madurez e pensamento crítico.

En que consistiron?

O premio está dividido en tres probas; unha de análise e comentario de textos, outra de idioma e outra dunha materia de modalidade. Eu neste caso elixín Química, pois fixen o Bacharelato de Ciencias.

Que parte foi a máis difícil?

A de análise de textos. Pregúntanche figuras estilísticas e retóricas, resumo, mensaxe que quere transmitir o texto, o tema... Valoran moito a capacidade de síntese e tamén piden un comentario crítico, que non só é para min a parte máis complicada senón tamén a que máis puntúa, a metade do exame. O problema que lle vin é que o comentario crítico non sabía ben como enfocalo porque, ao ser moi subxectivo, descoñeces que criterios van seguir na corrección. A proba de idioma tampouco era moi habitual, con exercicios de léxico e gramática e unha pequena descrición dunha persoa que che marcase dalgún xeito. A materia específica, pola súa parte, era máis dura que a de Selectividade, pero xa sobre os contidos do curso.

Cal era o comentario de texto?

Falaba da estrea no Palacio da Ópera da Coruña dunha sinfonía sobre “Negra sombra” e pedían a opinión persoal de cada un sobre como como conservar a cultura galega. É un tema moi subxectivo e eu intentei situarme no centro: defendín que había que manter un equilibrio entre a cultura rexional e a globalización e puxen o exemplo de EEUU, onde pasei o curso pasado becada polas fundacións Barrié de la Maza e Amancio Ortega.

Como resultou a experiencia?

Moi ben. Estiven no medio da nada, en Montana, un Estado rural onde os haxa, co tamaño de España e un corentavo da súa poboación. Eu estaba no medio das Montañas Rochosas nunha vila de 1.500 persoas.

Estudiaches moito para as probas?

Nada. Tampouco contaba con sacar esta nota, pois ía máis ben a ver o que pasaba...

Que vas estudar agora?

Vou facer Enxeñaría Aeroespacial na Universidade Carlos III de Madrid. É un grao que ofrecen moi poucas universidades en España e esta ofréceo en inglés, o que me dá unha perspectiva máis internacional. Despois de ter pasado o curso anterior fóra, aspiro a traballar noutros países. Teño dous soños paralelos que son poder traballar no CERN, en Xenebra, ou na Axencia Espacial Europea. É realmente complicado, pero vou traballar para acadalo.

Logo, visto o visto, non será un obstáculo para ti estudar fóra de casa...

Non é un obstáculo porque teño esa experiencia de estar fóra e eu sempre fun moi botada para diante no sentido de querer saír e ver mundo. Porén, si me dá medo, pois non coñezo a ninguén alí, Madrid é unha cidade inmensa. Pero creo que iso lle pasa a todos os que comezan na universidade esa nova etapa. De todos modos, estou moi ilusionada co que está por vir.

Diario de Ferrol.-

BANCO DE LIBROS.-

    Esta directiva informa que estamos iniciando a posta en marcha dun BANCO DE LIBROS DE TEXTO, como actividade interna desta ANPA Sofía Casanova co obxecto de facer un  exercicio de Reciclaxe de libros de texto entre as nais e pais deste centro educativo.

   A condición básica a resaltar deste proceso de PRÉSTAMO de LIBROS consiste en facer unha DOAZÓN de libros de texto en vigor para poder RECIBIR ademais de fomentar a solidariedade e colaboración social.

    Esta ANPA aplica dous criterios de prioridade. O primeiro consiste en facerse socios/as desta entidade de nais e pais e un segundo criterio será a DOAZÓN de LIBROS.

   Estableceremos un sistema de PUNTOS para acceder a estes LIBROS de TEXTO;

SOCIOS/AS . . . . . . . . . . . . . . . 5  Puntos 

CADA LIBRO ENTREGADO. . . . . . . 1 Punto

 
Continuaremos no mes de SETEMBRO cunha puntuación final de pais e nais que teñen dereito a RECIBIR a cantidade de LIBROS de TEXTO, segundo baremo final.
 

Lembrade que o éxito deste banco consiste na alta participación e saber que libros van a cambiar de forma substancial, polo que recomendamos consultar coa directiva os cambios en cada curso.

Seguiremos informando.

Saúdos

- A directiva.-

Axudas libros..

 O Estatuto de autonomía de Galicia, no seu artigo 31, dispón que é competencia plena da Comunidade Autónoma de Galicia o regulamento e administración do ensino en toda a súa extensión, niveis e graos, modalidades e especialidades.

Unha vez implantado o programa de préstamo de libros de texto en todo o ensino obrigatorio, foi preciso revisalo e adaptalo á realidade social. Así pois, á vista da conxuntura económica actual, no curso escolar 2009/2010 resultou necesario facer unha reforma do sistema nalgúns cursos, de xeito que se beneficien da gratuidade as familias con menos recursos.

Neste sentido, e en consonancia coa política de austeridade do Goberno da Xunta de Galicia, continuarase nesa liña mediante a convocatoria de axudas para a educación primaria e a educación secundaria obrigatoria, así como para educación especial.

En exercicio das competencias atribuídas no Decreto 45/2012, do 19 de xaneiro, polo que se establece a estrutura orgánica da Consellería de Cultura, Educación e Ordenación Universitaria (DOG do 24 de xaneiro),

DISPOÑO:

Artigo 1. Obxecto da convocatoria e procedemento.

O obxecto desta orde é convocar axudas para a adquisición de libros de texto, materiais curriculares e material didáctico e complementario destinadas ao alumnado matriculado en educación primaria, en educación secundaria obrigatoria ou en educación especial en centros sostidos con fondos públicos da Comunidade Autónoma de Galicia, no curso escolar 2012/2013.

Esta convocatoria tramitarase polo procedemento establecido no artigo 19.2.º da Lei 9/2007, do 13 de xuño, de subvencións de Galicia, tendo en conta que polo obxecto e finalidade da subvención non será necesario realizar a comparación e prelación das solicitudes presentadas nun único procedemento.

Artigo 2. Requisitos.

1. Para ser beneficiario desta axuda é preciso cumprir os seguintes requisitos:

a) Ser pai/nai/titor ou titora legal do alumnado matriculado en educación primaria, educación secundaria obrigatoria ou educación especial, nun centro sostido con fondos públicos da Comunidade Autónoma de Galicia durante o curso escolar 2012/2013, e non repetir curso neste ano académico. Non obstante, o alumnado que repita 1.º ou 2.º de educación primaria poderá solicitar a axuda, xa que neste ciclo se emprega material que non pode ser reutilizado.

b) Non estar incurso nas prohibicións para obter a condición de beneficiario, recollidas no artigo 10 da Lei 9/2007, do 13 de xuño, de subvencións de Galicia.

c) Para o alumnado de educación primaria e educación secundaria obrigatoria ter unha renda per cápita familiar igual ou inferior a 9.000 euros. Para a determinación da renda per cápita familiar terase en conta o disposto no artigo 6 desta orde.

Artigo 3. Lugar e prazo de presentación de solicitudes.

1. As solicitudes, segundo o anexo I á presente orde, entregaranse nos centros docentes en que estea matriculado o alumnado, segundo se indica a seguir.

Presentarase unha solicitude por cada alumno ou alumna matriculados, de xeito que, se un solicitante ten varios fillos ou fillas matriculados nas ensinanzas obxecto da convocatoria deberá presentar unha solicitude para cada un deles, xa sexa no mesmo ou en distinto centro.

2. As axudas serán solicitadas polos pais, nais, titores ou representantes legais do alumnado. Por cada alumno ou alumna só se concederá unha axuda por curso escolar, con independencia de que puidese estar escolarizado sucesivamente en dous ou máis centros sostidos con fondos públicos no curso escolar 2012/2013.

3. O prazo de presentación de instancias será o seguinte:

a) Para o alumnado de educación primaria e educación especial: do 2 de xuño ao 2 de xullo de 2012, ambos inclusive.

b) Para o alumnado de educación secundaria obrigatoria que formalice a matrícula no prazo ordinario: do 25 de xuño ao 26 de xullo de 2012, ambos inclusive.

c) Para o alumnado de educación secundaria obrigatoria que formalice a matrícula no prazo extraordinario: do 1 de setembro ao 1 de outubro de 2012, ambos inclusive.

d) Para as novas incorporacións de alumnado que se produzan ao longo do curso con posterioridade aos períodos indicados, sempre que no mesmo curso escolar non estivesen matriculadas con anterioridade nun centro sostido con fondos públicos da Comunidade Autónoma de Galicia, o prazo será dun mes e contarase a partir do día seguinte ao da formalización da matrícula. En todo caso, o prazo para presentar a solicitude para as novas incorporacións terá como data límite o 31 de marzo de 2013.

4. Unha vez recibidas as solicitudes, o centro deberá introducir a información na aplicación informática de xestión das axudas (axudaslibros) por algún dos seguintes procedementos:

a) Recuperando a información da matrícula do alumnado no sistema Xade. Neste caso, se o alumno xa estivese matriculado, o sistema recuperará os datos asociados ao NIF/NIE da persoa solicitante existentes en Xade e deberá completarse cos datos indicados na instancia presentada.

b) Iniciando unha solicitude nova en branco e cubrindo todos os datos indicados na instancia.

En todo caso, o centro que tramite deberá completar toda a información requirida polo sistema segundo os datos indicados na instancia e comprobar que a documentación estea completa.

5. Unha vez que a solicitude estea introducida no sistema, este permitiralle ao centro educativo a xeración dun vale, segundo o modelo establecido como anexo II a esta orde, que será selado e asinado polo director ou directora do centro e entregado á persoa solicitante. Só se poderá entregar un vale por cada alumno ou alumna.

6. Transcorrido o prazo de tres meses desde o día seguinte ao da presentación da solicitude sen que o centro poña á disposición da persoa solicitante o correspondente vale, esta poderá entender desestimada a súa solicitude por silencio administrativo, de conformidade co artigo 44.1.º da Lei de réxime xurídico das administracións públicas e do procedemento administrativo común, para os efectos de interpor recurso potestativo de reposición ante a persoa titular da Consellería de Cultura, Educación e Ordenación Universitaria no prazo dun mes, segundo o disposto nos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou ben directamente recurso contencioso-administrativo, no prazo de dous meses ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.

7. Os centros docentes prestarán asesoramento ás persoas interesadas para que cubran as solicitudes de xeito correcto en todas as súas epígrafes e acheguen a documentación requirida por esta orde.

8. Os centros concertados, que actúen como entidades colaboradoras na xestión das axudas, terán que cubrir e asinar o anexo III, que será arquivado no centro xunto coas solicitudes, quedando suxeitos ao establecido nesta orde.

Artigo 4. Solicitudes e documentación.

1. As instancias poderán obterse nos centros, nas xefaturas territoriais da Consellería de Cultura Educación e Ordenación Universitaria e tamén se poderán descargar en formato pdf do portal educativo no enderezo electrónico http://www.edu.xunta.es

Unha vez cuberta a solicitude deberán presentarse, xunto coa documentación segundo se indica no artigo 3 desta orde, debidamente asinada polo pai, a nai ou titor/a do alumnado. Todo isto sen prexuízo da sinatura por parte do resto dos membros da unidade familiar que obteñan ingresos, excepto nos supostos de separación ou divorcio, nos cales poderá omitirse a sinatura do proxenitor que non teña a custodia do menor.

A aplicación informática para a xestión das axudas tamén permitirá a xeración da solicitude unha vez introducidos os datos polo centro.

2. Xunto coa solicitude presentarase orixinal e copia da seguinte documentación, co fin de que a persoa que a reciba poida verificar a autenticidade da copia e devolva os orixinais.

Alumnado de educación primaria e de educación secundaria obrigatoria.

a) Libro de familia en que figuren todos os membros da unidade familiar.

No caso de non ter libro de familia ou se a situación familiar, en día 31 de decembro de 2010, non coincide coa reflectida no libro, terá que presentarse documento ou documentos acreditativos do número de membros da unidade familiar, tales como:

1. Sentenza xudicial de separación ou divorcio e/ou o convenio regulador onde conste a custodia do causante.

2. Certificado ou volante de convivencia.

3. Informe dos servizos sociais ou órgano equivalente do concello de residencia que acredite a situación familiar.

b) No caso de discapacidade dalgún dos membros da unidade familiar incluídos na solicitude deberá presentarse un dos seguintes documentos que acrediten esta circunstancia en 31 de decembro de 2010:

1. Certificado emitido polo órgano competente do grao de minusvalidez cunha porcentaxe igual ou superior ao 33%,

2. Resolución ou certificado emitido pola Seguridade Social de pensión de incapacidade permanente nos graos de total, absoluta ou grande invalidez, ou

3. Documentación acreditativa da condición de pensionista de clases pasivas cunha pensión de xubilación ou retiro por incapacidade permanente para o servizo ou inutilidade.

c) No caso de situación de violencia de xénero no ámbito familiar: documentación acreditativa.

O alumnado de educación especial unicamente deberá presentar a solicitude de axuda, e non será necesario xuntar ningunha documentación.

O alumnado cunha minusvalidez igual ou superior ao 65%, só ten que presentar a certificación emitida polo órgano competente do grao de minusvalidez cunha porcentaxe igual ou superior ao 65%, xunto coa solicitude da axuda.

3. A documentación que se achegue deberá ter validez no momento da presentación da solicitude.

4. O centro educativo poderá requirir das persoas solicitantes, en calquera momento, aclaración da documentación presentada.

Artigo 5. Contía das axudas.

A Consellería de Cultura, Educación e Ordenación Universitaria aboará as axudas ás persoas solicitantes que reúnan os requisitos previstos nesta orde, nos seguintes importes por alumno ou alumna e curso, segundo a renda per cápita familiar no ano 2010:

–Educación primaria:

• Familias monoparentais:

-Renda per cápita familiar ata 6.000,00 euros: 170 euros.

-Renda per cápita familiar desde 6.000,01 ata 9.000,00 euros: 90 euros.

• Resto das familias:

-Renda per cápita familiar ata 5.400,00 euros: 170 euros.

-Renda per cápita familiar desde 5.400,01 ata 9.000,00 euros: 90 euros.

–Educación secundaria obrigatoria:

• Familias monoparentais:

-Renda per cápita familiar ata 6.000,00 euros: 180 euros.

-Renda per cápita familiar desde 6.000,01 ata 9.000,00 euros: 104 euros.

• Resto das familias:

-Renda per cápita familiar ata 5.400,00 euros: 180 euros.

-Renda per cápita familiar desde 5.400,01 ata 9.000,00 euros: 104 euros.

No caso de que nunha mesma unidade familiar existan varios alumnos ou alumnas que reúnan os requisitos para seren causantes destas axudas, percibirase a contía que corresponda por cada un deles, segundo o establecido nesta convocatoria.

O alumnado matriculado en educación especial, en centros específicos ou en unidades de educación especial en centros ordinarios, así como o que presente unha minusvalidez igual ou superior ao 65%, que solicite a axuda e que cumpra os requisitos desta orde recibirá un importe de 250 euros, con independencia da renda per cápita familiar.

Os menores que se encontren en situación de garda, tutela ou atención de día pola Xunta de Galicia recibirán a axuda máxima correspondente ao ensino e curso en que estean matriculados, e non terán que acreditar os datos da unidade familiar nin do nivel de renda.

Artigo 6. Renda per cápita familiar.

1. Enténdese por renda per cápita familiar a renda familiar dividida entre o número de membros da unidade computables.

2. Para os efectos do cálculo da renda per cápita, computarán por dous os membros da unidade familiar que figurando na solicitude teñan unha discapacidade igual ou superior ao 33%, que acrediten unha pensión de incapacidade permanente nos graos de total, absoluta ou grande invalidez ou que teñan recoñecida a condición de pensionista de clases pasivas cunha pensión de xubilación ou retiro por incapacidade permanente para o servizo ou inutilidade.

Asemblea informativa- 5 xuño

 

Ultima Asemblea informativa no salón de actos do centro Sofia Casanova este 5 de xuño-2012.-

 

Asemblea informativa

Asemblea aberta para nais e pais.-

                  Estimad@s nais e pais;

Esta xunta directiva acorda CONVOCAR unha ASEMBLEA XERAL EXTRAORDINARIA dirixida a SOCIOS/AS e NON ASOCIADOS/AS este vindeiro MARTES-5 ás 17 h. no salón de actos deste IES Sofía Casanova.

Nesta Asemblea informaremos da posta en marcha desta ANPA, así como debateremos varais actuacións que consideramos importantes para noso centro educativo. Remataremos cun debate sobre a actualidade da comunidade educativa e as medidas de recortes dos actuais gobernos, en concreto o real decreto 14/2012 o cal pídese a súa retirada.

Orde do día  

1 .- Posta en marcha desta ANPA.

2 .- Actuacións, demandas educativas, infraestruturas-

      Vacantes Consello Escolar. (Elección)

3 .- Mobilizacións contra os recortes.

4 .- Suxestións e preguntas.

Ferrol , a  29 de maio de 2012

                  A Presidenta                             O Secretario

asdo. Mª Carmen DÍAZ CORRAL  /  asdo. Xosé M. SANXOÁN

- Un ensino de tempos difíciles – recortes -masificación- horarios- profesores- becas.

Actos de ALCER.

A asociación ALCER comenzou este 29 de maio,  organizando unha mesa informativa na entrada do centro.

ALCER e ANPA repartimos folletos entre o alumnado e diversas informacións sobre a doazón de órganos.

Actos e charla de ALCER

A Asociación ALCER, dirección do instituto e ANPA organizamos un acto de significado transcedental sobre os Trasplantes de Ril e outros órganos que por necesidade e a fatal enfermidade son necesarios para continuar vivindo... Así o explicaba o presidente de ALCER, Rafael Rodriguez, cunha brillante exposición sobre a importancia ser doantes de órganos cando morremos.

.

Matrícula de honra.-

FELICITACIÓNS para o alumnado de 2º Curso de Bacharelato por ter unha nota superior a 9 e, por conseguinte Matrícula de honra.

Esta ANPA felicitamos tamén aos que aprobaron con tenacidade e esforzo.

Noso recoñecemento a todo este alumnado.

Actos de ALCER para este martes-29 maio

Informamos que esta ANPA está organizando uns actos e charlas coa Asociación ALCER coa colaboración da dirección deste Centro educativo.

Este vindeiro MARTES a partir das 16,30 h.,  estades convidados no Salón de Actos do Centro para coñecer as actividades de ALCER e as súas demandas sociais.

Informacións da súa páxina web.;

 -  A directiva.-

Benvida/o a ALCER Coruña

A Asociación de Loita Contra as Enfermidades do Ril, ALCER Coruña, nace en 1976 co firme propósito de mellorar a calidade de vida do enfermo renal. Nas súas orixes loitaba porque todo paciente renal tivese acceso a un tratamento de diálise, o que era fundamental para a súa supervivencia. Anos despois, ALCER Coruña, traballando conxuntamente coas entidades nacionais e coa Federación, convértese nun activo precursor da actual lei de transplantes, da cal cumpriuse recentemente o seu XXV Aniversario.

Hoxe en día, unha vez superados aspectos de actuación sanitaria vital, ALCER Coruña e unha das entidades que máis claramente apostan por traballar optimizando os recursos sanitarios co convencimento de que a atención as persoas con enfermidades crónicas non pode centrarse nos factores da enfermidade, senon que é necesario o desenrolo de redes de apoio psicosocial con areas de actuación integrais no campo da asistencia sanitaria, a protección e ou benestar social.

Baseándose nestos principios, ALCER Coruña persegue asegurar a maior calidade de vida, participación e independencia posible nas persoas con IRC, transplantadas e familias en particular e a todas as persoas cunha enfermidade crónica en xeral, o traverso as seguintes actuacións marcadas nos seus estatutos:

• A asistencia e información ós enfermos do ril e outras doenzas descritas nos seus aspectos sanitarios e sociais, especialmente no concernente á asistencia por facultativos e persoal sociosanitario especializado.
• A realización de todo tipo de accións de sensibilización e fomento da doazón de órganos e texidos.
• A atención en procesos de rehabilitación psicosocial e inclusión laboral e social das persoas con discapacidade xenerada por doencias crónicas susceptibles de transplante.
• A promoción de servizos de atención á dependencia.
• A execución de todas as actividades culturais, de lecer e deportivas que faciliten a participación e atención socio sanitaria do colectivo.
• O fomento da investigación dos problemas que suscitan as enfermidades do ril nos seus aspectos médico, asistenciais e socioeconómicos, así como da prevención das mesmas.
• A divulgación popular das necesidades deste colectivo, as súas posibles solucións, así como os seus múltiples aspectos sociais, xurídicos.
• A realización de actuacións encamiñadas ó fomento e participación do voluntariado.
• O establecemento de servizos propios de asesoramento laboral, educativo, asistencia social e psicoloxica máis os que se crean necesarios para unha atención integral.
• A colaboración con todas aquelas persoas e entidades, públicas ou privadas, onde realícense actividades que leven a consecución dos fins da asociación.
• Calquera outro que, de modo directo ou indirecto, poida contribuír á realización dos fins da Asociación.



FOLGA ENSINO - 22 MAIO

 

A folga de educación tivo o seu maior seguimento no campus

Ferrol / La Voz  23 de maio de 2012.

 

Os datos recollidos polos sindicatos viñan confirmar onte, conforme transcorría o día, que a folga da educación pública atopara en Ferrolterra o seu maior eco no ámbito universitario. Coincidindo, así, co sucedido en case todo o país. De acordo cos datos da central maioritaria entre as organizacións convocantes, Comisións Obreiras, nos distintos centros universitarios ferroláns, ao longo do día, o número de profesores que se sumaron á xornada de protesta oscilou «entre ou 90 e ou 95 por cento». Mentres que o dos alumnos «estivo moi cerca do cen por cen».

Cifras, estas, que contrastan coa media do seguimento da folga entre o profesorado de educación infantil, primaria e secundaria, centros nos que o paro, de acordo cos datos de Comisións Obreiras, «estivo arredor dun 20 por cento». Os alumnos de secundaria foron á folga nun «70 por cento», de acordo coa mesma fonte.

A xornada transcorreu sen incidentes. As organizacións convocantes (Federación de Ensino de Comisións Obreiras, UGT, ANPE, STES e CSIF) reiteraban onte que os «recortes en educación» van traer consigo unha evidente perda da calidade do ensino público. Unha perda de calidade que á súa vez -remarcan- danará de xeito moi especial aos sectores máis desfavorecidos da poboación, que verán minguadas as súas posibilidade de optar a un ensino de calidade.

Os sindicatos entenden que ferir ao ensino público é ir en contra da igualdade de oportunidades á que todo cidadán ten dereito, e ir en contra do futuro do país.

La Voz de Galicia.-

xoves 24, ás 19 hs, CONCENTRACIÓN EN DEFENSA DA SANIDADE PÚBLICA

CONTRA OS RECORTES E A PRIVATIZACIÓN DA SANIDADE PÚBLICA. 

A xunta directiva desta ANPA do IES Sofía Casanova,

apoia as mobilizacións convocadas pola Plataforma

en Defensa da Sanidade Pública de Ferrolterra,

por que nos afecta a todos/as.

Xoves, 24 de maio, ás 19 hs,

diante do Edificio da Xunta de Galicia

Praza Amada García -  Ferrol

Manifestación contra os recortes.-

 

A comunidade educativa está chamada a secundar hoxe

a folga xeral en contra dos recortes

Martes, 22 de Mayo de 2012.-

   redacción > ferrol  

  

 O ensino público, en todos os seus niveis –desde Infantil ata a etapa universitaria– está chamado a secundar hoxe a convocatoria de folga xeral prevista en todo o territorio español e que na comunidade galega convocan os sindicatos CCOO, CSIF e ANPE, así como o Sindicato de Estudantes, a Confapa (Confederación de asociacións de pais de alumnos) e Iesga (Iniciativa Estudiantil Galega) –membros todos eles da Plataforma en Defensa do Ensino Público–, segundo se informou onte desde Comisións Obreiras.

Todas fixeron un chamamento á participación nunha xornada reivindicativa para amosar o total rexeitamento aos recortes educativos aprobados polo goberno de Mariano Rajoy co propósito de reducir o gasto público neste ámbito. Medidas recollidas nun decreto e entre as que figuran o aumento do número de alumnos por aula, o incremento da xornada lectiva do profesorado ou das taxas universitarias.

Manifestación.-

 Na cidade ferrolá, ademais da propia convocatoria de folga xeral, está prevista para esta tarde, ás oito, unha manifestación que partirá do Edificio Administrativo da Xunta de Galicia, na praza de España –tamén se celebrarán nas outras seis cidades galegas–.

Ademais, onte pola noite –a partir das once– celebrouse no IES Sofía Casanova unha concentración "de loito", tamén dentro das accións promovidas desde a Plataforma do Ensino Público. Desde CCOO denunciouse que os recortes en materia educativa suporán o deterioro da calidade do ensino e cebaranse nos sectores máis desfavorecidos da poboación, o que repercutirá gravemente, din, na igualdade de oportunidades.

Diario de Ferrol.-

Fotos Velorio

VELORIO CONTRA OS RECORTES NO ENSINO PÚBLICO

Acto de velorio- protesta no IES SOFÍA CASANOVA ás 11 h da noite, convocado polos sindicatos-ensino e secundado por varias ANPA,s.

Día 22 haberá unha FOLGA de ENSINO e posterior concentración na Praza de España, fronte o Edif. da Xunta de Galicia.



Letras Galegas-2012

                    - Letras Galegas-2012 -

               Ano adicado a Valentín Paz Andrade.



Letras Galegas-2012

  EXPOSICIÓN DAS LETRAS GALEGAS-2012

Exposición estudantes na entrada do centro Sofía Casanova a respecto das Letras Galegas-2012

Concentración 8 de Maio-2012

CONCENTRACIÓN NA DEFENSA DO ENSINO PÚBLICO

Concentración deste Martes- 8 de maio na Praza Amada García- Praza de España- contra os recortes e as medidas tomadas polas administracións contra o Ensino público.

Concentración Martes 8 maio en defensa do ensino público.-

Estimados/as  socios/as;

A ANPA Sofía Casanova, pide a vosa participación para secundar unha CONCENTRACIÓN apoiada pola Federación de ANPAS de Ferrolterra, este MARTES ás 7,30 h da tarde, diante do edif. administrativo da Xunta de Galicia,  Ferrol (Praza de España).

Esta ANPA Sofía Casanova acudirá cunha pancarta propia en ;

DEFENSA DO ENSINO PÚBLICO DE CALIDADE.

- A directiva.-