FOLGA XERAL ENSINO- 9 Marzo-2017 .-

 - FOLGA XERAL ENSINO-

 

9 Marzo-2017



 



 
 
 

FOLGA ENSINO - 9 Marzo2017

 

 

FOLGA XERAL ENSINO

 

9 MARZO -2017

 

 

 

 

 

 

 

FOLGA ENSINO- 9 MARZO-2017

 

 

 

FOLGA ENSINO

9 de MARZO-2017

 

                                    XORNADA DE FOLGA NO ENSINO

A totalidade da comunidade educativa do Estado convocou, para o vindeiro xoves día nove de marzo e en todos os niveis educativos do ensino, unha nova xornada de folga contra a LOMCE. Esta convocatoria vai dirixida á docentes, nais/pais e alumnas/os.

Dende esta Federación de ANPAs, e por medio deste escrito, pretendemos expoñer brevemente cales son as razóns que xustifican a necesidade desta nova convocatoria de folga, mais aínda cando se están a escoitar voces desmobilizadoras que pretenden facernos crer que xa todo esta solucionado.

Aínda a risco de ser repetitivos, pensamos que é importante facer un pequeno análise recordando o que é a LOMCE o que, ao noso entender, representa e as consecuencias que traerá sobre as nosas fillas e fillos. Primeiramente debemos ter claro que se lle chama LOMCE a unha Lei Orgánica auto-nomeada de “Mellora da Calidade Educativa”, lei que se aprobou no ano 2013 para MODIFICAR a LOE (Lei Orgánica 2/2006 de Educación) que aínda é a lei vixente en materia educativa en España. Polo tanto o que fixo a LOMCE foi modificar un importante número de artigos da LOE co obxectivo final de establecer un determinado modelo educativo, destacamos o tantas veces dito pero que nos parece fundamental ter claro: A LOMCE elimina as competencias decisorias dos Consellos Escolares e os converte en meros órganos de consulta e, ademais, establece un procedemento de selección de directoras/es no que a decisión final resérvase para a Administración educativa, por iso dicimos que é unha Lei ANTIDEMOCRÁTICA; a LOMCE eliminou do currículo a “educación para a cidadanía” e estableceu como materia curricular, mesmo no bacharelato, a “relixión católica”, ademais reduciu drasticamente horas curriculares nas “ciencias sociais” (historia, filosofía, etc...) e nas “materias artísticas”, por iso dicimos que é unha Lei IDEOLÓXIZADA; a LOMCE potencia a educación concertada e permite a educación “diferenciada por sexos”, o que vulnera gravemente o dereito fundamental á igualdade consagrado na Constitución Española, por iso dicimos que é unha Lei SEGREGADORA; a LOMCE eliminou as “adaptacións curriculares” do modelo educativo, ferramenta fundamental para a inclusión educativa, establecendo os chamados “programas de mellora” e creando itinerarios temperás, onde alumnado moi xove (13 ou 14 anos) ten que decidir se vai a optar á liña da “excelencia” ou a liña da “formación profesional”, ademais todo isto acompañado dun escandaloso recorte nos recursos educativos de apoio, por iso dicimos que é unha Lei EXCLUINTE; a LOMCE reserva para o Estado a maioría da programación educativa, invadindo claramente as competencias autonómicas en materia curricular, por iso dicimos que é unha Lei CENTRALIZADORA. Como se pode observar con todo isto temos razóns abondas para rexeitar a LOMCE e aínda non se falou das famosas “reválidas”. As “probas finais de avaliación”, como a Lei chama ás reválidas, teñan ou non “efectos académicos” estrutúranse como unha ferramenta fundamental para implementar o modelo educativo deseñado pola LOMCE. Isto é así por ser probas deseñadas polo Goberno central, avaliadas por axentes externos e que terán repercusións nos centros educativos ao establecer ránkings de centros e criterios para a dotación dos recursos, resulta que a mellores resultados, maiores recursos. Xa sabemos que estas probas avalían o nivel de memorización acadado polas alumnas/os dos contidos curriculares establecidos pola LOMCE, os centros non terán mais opción que cinguirse ao currículo LOMCE, o que liquidará a capacidade de establecer os seus proxectos educativos e, polo tanto, liquídase a autonomía docente dos centros e a atención á diversidade.

As consecuencias da implantación da LOMCE son claras, o establecemento final dun MODELO EDUCATIVO NEOLIBERAL que pretende formar a unha maioría social como traballadoras/es e consumidoras/es, con escasa formación persoal e cultural e cunha clara formación técnica moi especializada, maioría social que servirá a un mercado laboral completamente liberalizado como “man de obra barata”. Doutra banda permitirá a unha elite social, que dispón de grandes recursos, formar ás súas fillas e fillos na chamada “educación da excelencia” para continuar sendo elite.

      É ESTE O MODELO EDUCATIVO QUE QUEREMOS PARA AS NOSAS FILLAS E FILLOS?

Porqué é necesario que a comunidade educativa continúe mobilizándose? Como ben recordaredes, na campaña electoral TODOS os partidos políticos, excepto o Partido Popular, PROMETERON DERROGAR A LOMCE canto houbera unha maioría parlamentaria alternativa no Parlamento Español. Hoxe existe esa maioría parlamentaria alternativa, mais a LOMCE continúa VIXENTE e as nosas fillas e fillos xa están sufrindo as perniciosas consecuencias desta lei antidemocrática.

Que é o que realmente se fixo no Parlamento Español? Pois no Parlamento, de momento, non se fixo NADA. O Goberno aprobou o día 9 de decembro pasado un Real Decreto Lei por motivos de urxencia. Esta norma NON pode derrogar a LOMCE e, exclusivamente, “paraliza o calendarios de implantación das reválidas” eliminando os efectos académicos ate que se aprobe o “pacto pola educación” asinado entre “PP” e “Ciudadanos” ao que, agora, sumouse o “PSOE”. Consecuentemente con isto as reválidas de 3º e 6º de primaria e a de 4º da ESO continuarán facéndose, é certo que de momento de xeito “censal”, pero como ninguén sabe a que centro lle tocará a “lotería” da proba e todos necesitamos ter bos resultados, pois seremos obedientes e aplicaremos a LOMCE sen chistar, non vaia a ser o demo!

QUE É O QUE DEMANDA A MAIORÍA DA COMUNIDADE EDUCATIVA?:

ESIXIMOS que se cumpran as promesas electorais e SE DERROGUE INMEDIATAMENTE A LOMCE. Para iso non hai mais que restablecer a LOE coa redacción anterior a aprobación da LOMCE, recordaredes que a lei educativa vixente e a LOE.

ESIXIMOS que en todo o Estado se constitúan as mesas de traballo necesarias para que estean presentes a totalidade das organizacións que representan ao conxunto da comunidade educativa (docentes, alumnas/os, nais/pais, expertos, administración, partidos políticos, etc..,). Non queremos un “seudo” pacto pola educación entre os de sempre, e que ao final non se mude nada.

ESIXIMOS que esas mesas de traballo, na que todas/os estaremos representadas/os, e no tempo que sexa necesario, elaboren o tan desexado por todas/os MODELO EDUCATIVO DE CONSENSO.

 Consecuentes con todo isto, a FEDERACIÓN COMARCAL DE FERROLTERRA DE ANPAS DE CENTROS PÚBLICOS, fai un chamamento a todas as familias de TODAS AS ETAPAS EDUCATIVAS para que SECUNDEN A FOLGA e NON leven as súas filas e fillos a escola o día 9 de marzo, participando ademais nas mobilizacións convocadas.

 

NON a LOMCE !!

NON aos RECORTES !!

NOVA LEI EDUCACIÓN !!

 

 

 

 

- Directiva .-

 



Prazas vacantes - 2017-18 .-

Prazas vacantes para o curso 2017-2018

 

Relación de prazas vacantes para o vindeiro curso 2017-2018: ESO:            1º Curso:   15 prazas.            2º Curso:   15 prazas.            3º Curso:   8 prazas.            4º Curso:   4 prazas. BACHARELATO:            1º Curso:  68 prazas.            2º Curso:  40 prazas.

- Web - IES Sofía Casanova .-

X ENCONTRO DE DEBATE SOBRE O MEDIO RURAL GALEGO (Parque Temático Aldea Nova, Sedes)

X ENCONTRO DE DEBATE SOBRE O

MEDIO RURAL GALEGO

 (Parque Temático Aldea Nova, Sedes)

   Estimadas compañeiras e compañeiros:

   Axuntamos información sobre estas Xornadas de Convivencia que contarán coa participación de dúas ponencias por parte de ANPAS GALEGAS.

Dende FEANPAS animamos a participar desta oportunidade a estudantes, profesionais, familias e a todas aquelas persoas preocupadas polo futuro do medio rural: 

   O  grupo de educación no rural da Asociación Pedagóxica NOVA ESCOLA GALEGA convídavos a participar os días 31 de marzo, 1 e 2 de abril de 2017 no X ENCONTRO DE DEBATE SOBRE O MEDIO RURAL GALEGO, que levará por título NA PROCURA DUN PLAN DE EDUCACIÓN ESPECÍFICO PARA O RURAL.
Será no parque temático do mundo rural "Aldea Nova", Lagoela s/n, Sedes, Narón (A Coruña). Coordenadas  GPS:  43.561667 - 8.132778.
 

   Nestas xornadas de convivencia queremos reflexionar acerca da necesidade de proxectos de escolarización específicos para o rural, a partir dun modelo de escola integrada no medio, na comunidade local e na cultura rural: como é sabido todo proceso de desenvolvemento sociocultural e educativo necesariamente debe poñer o acento na dimensión comunitaria, e moi especialmente cando se contextualiza no medio rural.
 O concello de Narón pon en funcionamento nos anos 2007-2008 o parque temático do mundo rural "Aldea Nova",  un proxecto de desenvolvemento rural non produtivo, coa finalidade de que servira de impulso para formar, promover e dinamizar as zonas rurais achegadas ás zonas urbáns, cun obxectivo educacional e socioeconómico.

Neste senso vai tamén a proposta de retomar a pedagoxía Freinet, polo seu potencial como modelo educativo ben diferenciado e pola súa validez no actual contexto educativo en ámbitos rurais.    

 

Máis información en:   www.neg.gal  

Un cordialísimo saúdo do grupo de educación no rural de NOVA ESCOLA GALEGA.

Federación Comarcal de ANPAS de Centro Públicos de Ferrolterra.

     

www.anpasgalegas.org

fanpaferrolterra@gmail.com

Mobilizacións contra a Lomce - 16 Febreiro



 

- Mobilizacións contra a LOMCE -

MANIFESTACIÓN o XOVES-16 de Febreiro ás 12 horas .-

CONCENTRACIÓN o XOVES-16 de Febreiro ás 19 horas.-

 

 

 

 

 



Nosa língua .-

- EQUIPA DE NORMALIZACIÓN LINGÜÍSTICA -

 



Selectividade 7,8 e 9 de Xuño.-

:

A selectividad será os días 7, 8 e 9 de xuño,  e as notas sairán o 16. Haberá ata catro materias para subir nota,  ademais da obligatoria de opción.  A Voz de Galicia Sara Carreira redacción / a voz 11/02/2017  A selectividad galega vai tomando forma. Onte concretáronse varios puntos, especialmente as datas e as materias para subir nota. Primeiro, os días: celebrarase o 7, 8 e 9 de xuño, que serán mércores, xoves e venres; as notas chegarán unha semana despois, exactamente o día 16. A proba de setembro adiántase un día con respecto ao habitual, para que non chegue ao día 15, data límite segundo o decreto: será o 12, 13 e 14 (martes, mércores e xoves). Por certo, a selectividad, que nunca se chamou así oficialmente, ten nome novo: ABAU, Avaliación de Bacharelato para ou Acceso á Universidade; en castelán, EBAU, Avaliación de Bachillerato para o Acceso á Universidade. Un asunto importante que se acordou onte é o número de optativas ás que o alumno pódese presentar para subir nota: serán 4, o máximo permitido polo decreto (o mínimo era ofrecer dous), aínda que ten certa trampa porque tamén se suma a asignatura obligatoria de opción, así que un estudante pode acabar con cinco materias para subir nota en función da carreira. «O obxectivo -explicou onte Pedro Armas, representante da Universidade dá Coruña na CIUG, a comisión interuniversitaria que se encarga da selectividad- é facilitar as cousas aos alumnos, especialmente a aqueles que non están decididos por unha carreira». Un exemplo práctico. Unha estudante galega dúbida entre matricularse en Bioloxía ou Química. Na primeira carreira prímanse as asignaturas de Bioloxía, Ciencias dá Terra, Física, Matemáticas e Química; na segunda opción, só valórase dobre Física, Matemáticas e Química. Esta alumna sabe que Matemáticas xa se inclúe porque entra na parte xeral, a obligatoria. Pero como optativas, que pode elixir? Bioloxía e Química, claro, pero tamén pode atreverse con Física ou Ciencias dá Terra. A vantaxe deste sistema é que a moza ten cinco opcións, tres para cada carreira, de ter nota. Como o software elixirá as dúas mellores notas segundo a carreira que marque, garantirase un amplo abanico de posibilidades. «Nós deixamos o máis aberta posible esta opción -detallou onte Armas- aínda que é un número moi reducido de alumnos o que elixe as catro materias para subir nota. Cada ano, uns 100 dos 11.000 que se examinan». O normal cando o alumno non ten claro que quere estudar é que se presente a tres asignaturas para subir nota, e evitar que o pinchazo nunha materia dea ao traste coas súas posibilidades. A iso hai que engadir, en calquera caso, a obligatoria de opción (Historia da Arte, Latín, Matemáticas Aplicadas ás Ciencias Sociais ou Matemáticas II, segundo o tipo de bachillerato elixido). Este ano, como se recordará, a primeira parte da selectividad vale 10 puntos e inclúe Lingua Castelá, Lingua Galega, Historia de España, Primeira Lingua Estranxeira e a obligatoria de opción. -La voz de galicia.-

Feliz ANINOVO-2017-

 

 

A Anpa do IES Sofía Casanova deséxavos;

 

 

FELICES FESTAS

 

 

FELIZ EDUCATIVO ANINOVO-2017

 

 

 

 

 

 

 

 

- Xunta Directiva .-

 



 



Banco alimentos.



 

 

Informamos que imos iniciar unha campaña do BANCO DE ALIMENTOS SOLIDARIOS neste  centro coas DOAZÓNS das familias dirixidas as persoas desfavorecidas a través das distintas organizacións solidarias e sen ánimo de lucro.

 

 

 

 

Pedimos aportacións destinados a hixiene, produtos básicos, produtos infantís e bebés, aceites, pastas, legumbres, chocolates, postres do Nadal, ..etc 

 

 

 

 

 

 

    Esperamos e desexamos a verdadeira RECUPERACIÓN ECONÓMICA e EMPREGO DIGNO para conseguir unha VERDADEIRA EQUIDADE ECONÓMICA E SOCIAL para que no futuro desaparezan estas tristes campañas.

Saúdos .-

- Directiva Anpa .-

Sen violencia machista.

 

 

´

 

 

- ESPAZO SEN VIOLENCIA MACHISTA .-

 

 

 

 

 

- DIRECTIVA ANPA .-

Composición CONSELLO ESCOLAR GALICIA.-

Ver gráfico Composición do Consello Escolar

Educación quere que a presenza de pais no Consello Escolar aumente.

As ANPA só ocupan agora 5 das 51 prazas que integran o órgano consultivo

 

 

Sara Carreira
Redacción / La Voz 12/12/2016.

 

O Consello Escolar do Estado votará mañá o ditame obrigatorio da normativa da nova reválida. A renovación in extremis deste órgano puxo sobre a mesa a súa existencia, polo demais discreta. Galicia tamén ten o seu propio ConselloEscolar , que posiblemente se reúna este mes, a súa segunda cita anual tras unha en marzo. Co comezo da lexislatura avecíñanse cambios, xa que a Xunta se comprometeu a modificar a lei que regula a entidade para aumentar a presenza de pais, favorecer a de alumnos e acoller a colectivos en favor da diversidade. Pero, ¿como funciona o Consello? ¿Para que serve? ¿Os seus membros que opinan?

O Consello Escolar de Galicia, como o do Estado, é un órgano consultivo que emite ante cada lei ditames obrigatorios pero non vinculantes. Están representados todos os sectores da escola e en total son 51 persoas, aínda que hai catro prazas vacantes: as tres dos estudantes -«non hai alumnos porque o órgano que ten que propor aos candidatos son as confederacións, e non hai ningunha en Galicia», di a Xunta- e unha das dúas do persoal de administración e servizos. Hai mínimas diferenzas entre a composición dos consellos galego e estatal: o primeiro inclúe aos movementos de renovación pedagóxica e ao Seminario de Estudos Galegos, mentres que o estatal conta cun espazo propio para as mulleres. O Consello reúnese entre unha e tres veces ao ano en función da normativa que teña que tramitar, e é a comisión permanente -sete presentas- a que dá forma á sesión.

 

   En canto a que opinan os seus compoñentes, a totalidade aplaude a súa existencia, aínda que sobre o funcionamento hai opinións atopadas. Por unha banda, está a Administración educativa, que o considera «de vital importancia» porque «palpa o sentir dos grupos». Dio José Manuel Pinal Rodríguez, director xeral de Centros e Recursos Humanos (o vicepresidente do organismo, Fernando do Pozo, declinou a invitación a participar nesta reportaxe).

Para Pinal é lóxico que os ditames do Consello non sexan vinculantes, porque non podería variar leis aprobadas no Parlamento, pero asegura que «xorden acordos para mellorar o sistema» e «houbo modificacións, algunhas cousas elimináronse ou se transaccionaron» por mor das opinións do consello.

En absoluto comparten esta opinión outros representantes do ente autonómico. Nin o especialista José Luis Fernández (representante do Movemento de Renovación Pedagóxica) nin os sindicalistas Anxo Louzao (CIG) ou Gerardo Morano (UGT). Para este último, os plenos do Consello transmítenlle «a sensación dun frontón. A consellería non acepta nada, incluso en cousas facilmente asumibles». E Anxo Louzao resume: «Somos convidados de pedra [porque] é un apéndice da consellería. Aprobáronse resolucións contra á Lomce, o decreto do bilingüismo, a lei de convivencia... pedíronse modificacións e non foron atendidas. É unha excepción atopar algo que aprobara o Consello e que a consellería fixera un cambio na normativa». Morano engade: «Nos ditames ás veces non se recolle o que se debateu, e poden ser nesgados. Nunha ocasión que a reunión se alargaba moito colgáronse as conclusións antes de que o debate terminase».

¿Presidente por votación?

 

    A crítica tamén chega do Movemento de Renovación Pedagóxica. José Luis Fernández asegura que o Consello «é un órgano consultivo moi incómodo. Os ditames son bastante ridículos. Ti non podes dicir que queres dialogar se despois non fas ningunha cesión». Recalca que «é o único consello do Estado no que o presidente [es el conselleiro] non aparece». Louzao asegura que se debe a e «un regulamento moi encorsetado, a dispor da consellería e que non cumpre a función de participación», que no caso galego o colmo é que o preside o titular de Educación, cando o normal é que sexa un nome que se poida manter cando cambia o conselleiro. Por certo, neste punto, o sindicalista propón que «sendo un órgano de representación parecería lóxico que ao presidente o nomearan os propios membros do Consello, e non a Administración».

     Non é a dificultade de ver plasmado en normativa aquilo que se aproba a única queixa dos membros do Consello. Os pais e centros, por exemplo, considéranse infrarrepresentados. Son cinco presentas (tres das ANPA públicas e dúas das concertadas) fronte aos doce sindicalistas (representantes da escola pública, da privada e centrais sindicais) ou aos oito dos concellos. María José Mansilla, da ANPA de colexios concertados, apunta: «Como somos tan poucos estamos moi limitados nas comisións de traballo, porque ademais non hai suplencia, e si son elixida eu e ese día non podo ir, pois non vai ninguén».

   Ignacio Parajó, da Federación de Centros Educación e Xestión (concertados), valora positivamente o Consello -«a súa función é enriquecer as normas coas opinións dos coñecedores do problema»- pero dubida da representatividade do mesmo: «Non é un foro educativo no sentido estrito, xa que ten un enfoque tamén de tipo político, que atende outras reclamacións non estritamente educativas». Para el, «o futuro da sociedade está nos colexios, é o que imos ter dentro duns anos. Si non estamos centrados en cuestións técnicas e educativas, igual lamentámolo».

   Javier Sánchez, de Anpas Galegas, para quen o Consello «é un órgano importante de representación», tamén cre que os pais teñen pouca forza porque «os grupos facemos emendas ás leis ou decretos e as valora a comisión permanente, no que nas ANPAS so teñen un representante». E esta entidade avoga por centrarse en cuestións que afectan os nenos: eles están pendentes de que se trate a súa última iniciativa, «a .. mellora da educación domiciliaria-hospitalaria, xa que o protocolo actual non é suficiente»

    Fronte a estas queixas sobre o peso dos diferentes grupos, Anxo Louzao nega a maior: «O profesorado non está sobredimensionado, todo o contrario. Penso que os profesores temos moito que dicir ao respecto do sistema. Habería que preguntarse a razón de certa representación: a propia Administración galega; a Administración local ten oito persoas; que fai representada a patronal do transporte; ou os empresarios, propietarios do ensino privado.... Os profesores somos os que diariamente estamos ensinando». E considera que si a consellería se expón cambiar a estrutura do Consello «non será para mellorar a participación do organismo, senón para que o apoie a ela».«Somos convidados de pedra» e «é un frontón», lamentan os representantes dos sindicatos.

 

- La Voz de Galicia .-

 

 

Maioría alumnado secunda a FOLGA.

Diario de Ferrol .-

Estudantes e Anpas voltaron á rúa para

esixir a derrogación da Lomce e das reválidas

Varios centos de persoas – máis de 700 segundo os convocantes– secundaron onte pola mañá a manifestación convocada na cidade naval no marco das mobilizacións do Sindicato de Estudantes e as Anpas Galegas para esixir, unha vez máis

redacción ferrol 25 de Noviembre de 2016                

Estudantes e Anpas voltaron á rúa para esixir a

 

derrogación da Lomce e das reválidas.

 

 

Un momento da manifestación de onte. daniel Alexandre

                       

  Varios centos de persoas –máis de 700 segundo os convocantes– secundaron onte pola mañá a manifestación convocada na cidade naval no marco das mobilizacións do Sindicato de Estudantes e as Anpas Galegas para esixir, unha vez máis, a derrogación da Lomce e a inmediata supresión das probas de avaliación, coñecidas como reválidas, implantadas na mesma.

   Esta é a única solución válida para as dúas organizacións como paso previo para comezar a falar dun pacto de estado en materia educativa, polo que vén nos últimos acontecementos ocorridos no Congreso –tanto a aprobación da proposición de lei do PSOE para paralizar o calendario de implantación da Lomce como o anuncio do ministro de aprobar un decreto para deixar sen efectos académicos as devanditas probas– unha “falacia e unha maquillaxe” para acadar a desmobilización dunha gran maioría da sociedade que desde o primeiro momento expresou a súa oposición á lei devandita lei educativa aprobada polo Partido Popular.

   Desde a delegación ferrolá do Sindicato de Estudantes, apuntaron onte que as mobilizacións continuarán ata que a Lomce e as reválidas desaparezan definitivamente.
   No tocante ao seguimento da xornada de folga, no ensino secundario situouse, segundo o colectivo, nunha media do 90%.
   En moitos institutos as aulas permaneceron valeiras durante toda a xornada.
   En centros como o IES Concepción Arenal, por exemplo, o 98% dos estudantes de 4º de ESO e de primeiro e segundo de Bacharelato non asistiron ás clases, mentres que no primeiro ciclo da ESO a asistencia ao centro foi aproximadamente dun 60%. Tanto neste nivel como en Infantil e Primaria, polas idades dos nenos, a folga ten que ser materializada polas familias.
   

  As que onte quixeron secundar a xornada reivindicativa optaron por non enviar aos seus fillos á escola. Nestes niveis, a incidencia foi moito menor que en Secundaria –arredor do 50% nos centros públicos–, variando moito entre uns colexios e outros. Houbo casos, como nos Casais ou no Manuel Masdías de Caranza, onde moi poucos nenos foron a clase.

 Trala manifestación de pola mañá, na que xunto aos estudantes e familias déronse cita sindicatos, representantes de partidos políticos así como traballadores e persoal do comité de empresa de Navantia ou membros de entidades culturais e sociais como Fuco Buxán, pola tarde tivo lugar, de novo diante do edificio administrativo da Xunta na Praza de España, unha concentración de rexeitamento á Lomce convocada pola Plataforma Galega en Defensa do Ensino Público.

 

- Diario de Ferrol .-

 

 

Chamamento FOLGA ESTUDANTES.-

 A Feanpas chama ás familias a participar

na folga do xoves

Para a Confederación Anpas Galegas, da que forma parte a Federación de Anpas de centros
 públicos de Ferrolterra, "a actual realidade educativa non ten máis ca unha solución: derrogar a Lomce.

redacción ferrol 22 de Noviembre de 2016                           

    

A Federación de Anpas celebrou onte unha asemblea aberta daniel alexandre

Para a Confederación Anpas Galegas, da que forma parte a Federación de Anpas de centros públicos de Ferrolterra, "a actual realidade educativa non ten máis ca unha solución: derrogar a Lomce, con absolutamente todos os seus efectos e consecuencias, retomar a situación previa e poñerse a traballar cara unha nova normativa educativa que realmente puxe polos dereitos de todos o alumnado", apuntan.
En demanda deste obxectivo, e conxuntamente co Sindicato de Estudantes, o devandito colectivo de pais convocou para este xoves día 24 unha folga de alumnos e familias en todas as etapas educativas do ensino básico, desde Infantil ata Bacharelato.
Unha nova xornada de loita e revindicación que terá lugar días despois de que o pleno do Congreso acordara a toma en consideración dunha proposición de lei do PSOE para frear o calendario de implantación da Lomce e que foi admitida a trámite cos únicos votos en contra do PP, así como do anuncio do goberno estatal de suspender os efectos académicos das reválidas ata que haxa un pacto pola educación.
Dúas cuestións que non constitúen boas noticias para o colectivo das Anpas, que fixan na derrogación da Lomce e a volta á anterior norma, a LOE, a única solución válida. "Sabemos que desde os gobernos central e autonómico tentan desmobilizar ás familias enviando mensaxes enganosos como que 'xa non hai reválidas' ou que a 'Lomce xa está paralizada' e, desgraciadamente, nada máis lonxe da realidade", din desde o colectivo de pais. Critican ademais que o alumnado que está a cursar 2º de Bacharelato "está a estas alturas do curso sen coñecer cal vai ser a proba que lle vai permitir acceder aos estudos universitarios", apuntan.

concentración
Neste sentido, fan un chamamento a todas as familias para que secunden a protestas e non evíen aos seus fillos ao colexio este xoves, animándoas ao mesmo tempo a participar na manifestación prevista para as 12.00 horas e a concentración das 19.00 horas, ámbalas dúas fronte ao Edificio da Xunta na Praza de España.
Coa finalidade de informar ás familias sobre todas as cuestións e dúbidas que rodean ao tema da Lomce, a Fenpas celebrou onte unha asemble aberta no centro cultural Carvalho Calero.
Hoxé fará o mesmo cunha nova sesión, ás 19.00 horas, en Narón, concretamente no salón de actos do IES As Telleiras.
Diario de Ferrol.-

Nova selectividade e reválidas.-

Prensa .-

 A reválida de Bacharelato será como a Selectividade, con exames só  de troncais de segundo. 

  A de 4º da ESO será muestral e tamén versará de contidos dese curso e non de toda a etapa

Efe 18/11/2016

  O Ministerio de Educación, Cultura e Deporte vai reformar por decreto lei a LOMCE para que a avaliación final de Bacharelato sexa moi similar á Selectividade con exames só das materias troncais de 2º e non dos dous cursos da etapa como establece a lei. Ademais, a avaliación de 4º da ESO será muestral, é dicir, non a van a realizar todos os centros, senón os que elixan as comunidades autónomas, e versará só das troncais dese curso.

 

   Estas son as principais novidades do borrador do proxecto de real decreto lei, adiantadas por Onda Cero. O documento discutirao o ministro Íñigo Méndez de Vigo cos responsables de Educación das comunidades autónomas na Conferencia Sectorial convocada para o próximo 28 de novembro.

 

   Tanto a LOMCE como os últimos borradores sobre as características destas avaliacións indican que os alumnos que queiran acceder á Universidade o curso que vén 2017-2018 deben examinarse non só das materias troncais de segundo de Bacharelato, senón tamén dalgunhas materias de primeiro, algo que estaba a xerar moito desconcerto na comunidade educativa, que pedía de forma unánime o restablecemento da antiga Selectividade.

  Respecto da de 4º da ESO, o Ministerio tamén cedería ás peticións da maioría das comunidades autónomas e das organizacións da comunidade educativa, pois vai máis aló do compromiso anunciado polo presidente do Goberno, Mariano Rajoy, de suspender os efectos académicos destas probas ata lograr o pacto educativo.

 

  Con leste decreto lei non só desvincula a proba á obtención do título, senón que permitirá ás autonomías que a avaliación teña carácter muestral e non censal, de maneira que non a teñan que realizar todos os alumnos de 4º da ESO de España, senón só os dalgúns centros. Do mesmo xeito que a de Bacharelato, esta proba non versará sobre contidos dos catro cursos da etapa, senón das troncais xenerais e de opción de 4º.

   Fuentes ministeriais indicaron que o borrador deste proxecto de decreto lei enviouno Educación aos «negociadores» do PSOE este xoves 17 de novembro. No texto indica que as novas condicións se manterán «durante un tempo prudencial e suficiente» ata alcanzar o pacto educativo e as mesmas fontes explicaron que este prazo o acordará Méndez de Vigo coas comunidades autónomas na próxima Conferencia Sectorial do 28 de novembro.

 

   O pasado martes, no Congreso dos Deputados, durante o debate dunha proposición de lei do PSOE para tramitar a paralización da LOMCE, o ministro anunciou este decreto para suspender os efectos académicos, pero sen dar detalles sobre o contido. Despois, en declaracións aos medios á saída do Hemiciclo, mostrouse «aberto» ás propostas que os conselleiros poidan facerlle no encontro do 28 de novembro e asegurou que non se pechaba «a nada».

 

- La Voz de Galicia .-

 

 

Anpa - Rúa Galego Soto - Zona peonil.-

- La Voz de Galicia .-

Pais do Sofía Casanova piden peatonalizar a rúa Galego Soto. O Anpa propón estudar esta medida ante as situacións de inseguridade vial na saída do centro.  A Voz de Galicia B. a. Ferrol - 16/11/2016   A asociación de pais do Sofía Casanova pide que se estude a posibilidade de peatonalizar a rúa na que se sitúa a entrada do centro, a Galego Soto, para incrementar así a seguridade vial na zona. «Por agora é unha proposta que estamos tratando de ver si é viable, pero o certo é que nos preocupan algunhas situacións, porque as beirarrúas nesa rúa son moi estreitas, hai coches aparcados nos lados e os nenos van camiñando pola calzada á entrada e á saída das clases», explica Ana Ríos, que é a presidenta dunha directiva que acaba de comezar a súa andadura e que se estreará nun consello escolar que se celebrará nos próximos días. A dirección do centro xa ten coñecemento desta petición, mentres que a Xunta alega que non está dentro das súas competencias.  Solicitan un profesor de apoio e reiteran que lles urge un ascensor A asociación de pais tamén solicita un profesor de apoio, xa que asegura que os recursos actuais son insuficientes para os 496 alumnos. Desde o centro apuntan que hai un docente que realiza estes labores, pero o Anpa considera que están convencidos da «necesidade de Profesores de apoio en pedagoxía- terapeuta» polo que se tramitou unha petición a Educación.   Pola súa banda, desde a Xunta replican que estudarán a demanda dos pais. Outro asunto sobre o que seguen esperando é a eliminación de barreiras arquitectónicas e a construción dun ascensor.     - La Voz de Galicia.-

Comunicado convocando á participación nas mobilizacións estudiantis día 24 de novembro

 

 



 

 



Comunicado convocando á participación nas mobilizacións estudiantis día 24 de novembro.-

     A Federación Comarcal de ANPAS de Centros Públicos de Ferrolterra acordou manifestar o seu total apoio ás mobilización contra a LOMCE e contra as REVÁLIDAS convocadas para o vindeiro xoves día 24 de novembro.

     Consecuentemente acordamos sumarnos aos acordos adoptados pola Confederación ANPAS GALEGAS e facer púbico o comunicado que se xunta, no que se fai unha chamamento a todas as familias con fillas e fillos, tanto na educación primaria como na secundaria, para que o día 24 non asistan ás aulas e  secunden a FOLGA convocada polas organizacións estudantís.

     Estamos absolutamente convencidos da oportunidade e a necesidade de organizar unha gran mobilización social que faga entender aos políticos, e concretamente á totalidade do Parlamento Español, que é IMPRESCINDIBLE SUPRIMIR AS REVÁLIDAS E DERROGAR A LOMCE de xeito inmediato.

    Por outra banda, promesa feita en campaña electoral por todos os partidos políticos excepto o PP, é dicir pola MAIORÍA ABSOLUTA DO PARLAMENTO ESPAÑOL, por iso debemos recordarlles que as promesas electorais fanse para cumplilas, non por pura demagoxia oportunista.

     É o momento de parar os graves prexuizos que a peor lei educativa da historia do estado Español xa está a provocar nas nosas fillas e fillos (exclusión social, discriminación, ideoloxización, desmotivación, etc...). por todo iso pedímosvos a máxima difusión desta convocatoria e a máxima participación nas mobilizacións. Recordade que o futuro das nosas fillas e fillos depende de nós e da nosa capacidade de facernos escoitar

                                                   ELIMINACIÓN DAS REVÁLIDAS!!!           

  

                                                   DERROGACIÓN DA LOMCE XA!!!!!

Federación Comarcal de ANPAS de Centro Públicos de Ferrolterra.

     

www.anpasgalegas.org

fanpaferrolterra@gmail.com